بۇگىن ساعات 14-تەر شاماسىندا اقمولا وبلىسى سەلينوگراد اۋدانى پروكۋراتۋراسى عيماراتى جانىندا سوتتالۋشى ج. قۇقىق قورعاۋ ورگاندارى قىزمەتكەرلەرىنە قارۋلى شابۋىل جاسادى دەپ حابارلايدى Qamshy.kz اقپارات اگەنتتىگى اقمولا وبلىستىق پروكۋراتۋراسىنىڭ باسپا ءسوز قىزمەتىنە سىلتەمە جاساپ.
ناتيجەسىندە سەلينوگراد اۋدانىنىڭ پروكۋراتۋرا قىزمەتكەرى مەن ىشكى ىستەر ءبولىمىنىڭ تەرگەۋشىسى وقتان جاراقات الدى.
مەديسينالىق جاردەم كورسەتۋ ءۇشىن جابىرلەنۋشىلەر استانا قالاسىنىڭ № 2ء-شى قالالىق اۋرۋحاناسىنا جەتكىزىلدى. اتالعان فاكت سەلينوگراد ءاىىب ءبىرىڭعاي سوتقا دەيىنگى تەرگەۋ تىزىمىنە تىركەلدى.
جەدەل ىزدەستىرۋ ارەكەتتەرى بارىسىندا سوتتالۋشى ج.-نىڭ اۆتوكولىگىندە ونىڭ ءمايىتى تابىلدى. الدىن الا بولجام بويىنشا ول وز-وزىنە قول جۇمساعان.
ءىستىڭ تەرگەۋ بارىسى اقمولا وبلىسى پروكۋراتۋراسىنىڭ ەرەكشە باقىلاۋىنا الىندى.
