امەريكالىق كونرەسس رەسەيگە قارسى جاڭا سانكسيالار بويىنشا كەلىسىمگە كەلدى. وعان سەبەپ اقش سايلاۋ الدى كامپانياسىنا رەسەيدىڭ ارالاسۋ مۇمكىندىگى بولدى، دەپ جازادى Qamshy.kz اقپارات اگەنتتىگى. جەرگىلىكتى باق-تىڭ مالىمەتىنە سۇيەنسەك، جاڭا زاڭناما اقش پرەزيدەنتىنە سانكسيالاردى جويۋدى قيىنداتپاق ويمەن دە جاسالعان.

6 اي بويى پرەزيدەنتتىك سايلاۋدا ترامپتىڭ جەڭىسكە جەتۋىنىڭ استارىندا رەسەيدىڭ ارالاسۋى جاتىر دەگەن اقپار الەمدىك باق-تى جايلاعان. ال بۇل ايىپتاۋلاردى ماسكەۋ جوققا شىعارىپ كەلدى.

رەسەيگە قارسى سانكسيا – يران مەن سولتۇستىك كورەياعا قارسى سانكسيالاردى قاراستىراتىن جاڭا زاڭنامانىڭ ءبىر بولىگى. وكىلدەر پالاتاسىندا داۋىس بەرۋ سەيسەنبىگە جوسپارلانعان.

داۋىس بەرۋ اياقتالعان سوڭ قۇجاتقا دونالد ترامپتىڭ قولى قويىلادى.

ترامپ زاڭعا ءالى دە تىيىم سالا الادى، الايدا باقىلاۋشىلار تىيىم سالۋ ترامپتىڭ كرەملدى قولداعانى جايىندا كۇدىكتى ارتتىراتىنىن ايتىپ وتىر.