اقش كونگرەسىنىڭ جوعارى پالاتاسى امەريكانىڭ ىشكى ساياسي جاۋلارى رەسەي، يران، كحدر-گە قارسى جاڭا سانكسيالارى تۋرالى زاڭنامانى ماقۇلدادى، دەپ جازادى Qamshy.kz اقپارات اگەنتتىگى.

زاڭنامانى سەناتورلاردىڭ 98%-ى قولداعان، قالعان ەكىسى قارسى بولدى. ەندى قۇجاتقا دونالد ترامپتىڭ قولى عانا قاجەت.

اۋقىمدى قۇجاتتىڭ 184 بەتى رەسەيگە ارنالعان: امەريكالىق ساياساكتەرلەر ماسكەۋدى ۋكرايناداعى قاقتىعىسقا قاتىسى بار دەپ ايىپتايدى، سونداي-اق اقش جانە وزگە دە مەملەكەتتەردىڭ كيبەر قاۋىپسىزدىگىنە قاستىق قىلۋ، سايلاۋ بارىسىندا ارالاسۋ، جەمقورلىق، ادام قۇقىقتارىن بۇزۋشىلىق سىندى ايىپتاۋلارعا  تولعان.

جاڭا زاڭنىڭ ەرەكشەلىگى – پرەزيدەنت رەسەيگە قارسى سانكسيادان باس تارتقىسى كەلسە، وعان پارلامەنتتىڭ رۇقساتى قاجەت.

ترامپ ماسكەۋمەن جاقىنداسۋعا مۇمكىندىك ىزدەيدى، بۇل زاڭعا ۆەتو قويۋمەن اياقتالۋى مۇمكىن. الايدا اتالمىش ارەكەتى ارقىلى پرەزيدەنت پارلامەنتپەن قاقتىعىسقا ءتۇسۋى مۇمكىن.