اقمولا وبلىسىندا كولدە ەكى قىز سۋعا باتىپ كەتتى، – دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.  

كۋاگەر ۇلان ابىشيەۆتىڭ ايتۋىنشا، قايعىلى وقيعا 6 تامىزدا كۇندىزگى ۋاقىتتا ساعات شامامەن 13.45-تە بۋراباي كۋرورتىنىڭ اقىلباي ەلدى مەكەنى جاعىنداعى مالوە چەباچە كولىندە بولعان. 

"وتباسىمىزبەن قايعىعا دۋشار بولدىق. بۇگىن مالوە چەباچە كولىندە دەمالعانبىز. بىرنەشە ساعات شومىلعاننان كەيىن جينالا باستادىق، سوسىن مەن ەستەلىك بولسىن دەپ سۋرەتكە ءتۇسىردىم. كەيىن سۋرەتتەردىڭ بىرىندە قايعىلى وقيعانىڭ بەينەلەنگەنىن انىقتادىق. سول كەزدە ەكى قىز بەن ءبىر ءجاسوسپىرىم ءومىرى ءۇشىن ارپالىسىپ جاتىپتى. ولاردىڭ ۇرمەلى ماتراسى جەلدەن اۋدارىلىپ كەتكەن ەكەن. ولاردى قۇتقارۋعا بىرنەشە جىگىت ءجۇزىپ بارعان، الايدا تەك بالانى قۇتقارۋعا الدەرى كەلىپتى. امال نە، قىزداردى قۇتقارا الماپتى. ولار جاعالاۋدا جۇگىرىپ، قۇتقارۋشىلاردى شاقىرۋدى سۇراعان، ال قۇتقارۋشىلار ءبىر ساعاتتان كەيىن كەلدى. وسى ءبىر ساعات بويى قىزدارعا قاراپ، شاراسىز تۇردىق. ايەلدەر مەن بالالار جىلادى. كولدە كەزەكشىلەر بولمادى، قايىق تا، قۇتقارۋ جيلەتتەرى دە بولمادى"، – دەپ جازدى ول. 

قايعىلى وقيعا تۋرالى مالىمەتتى ق ر ءىىم تجك رەسمي وكىلى رۋسلان يمانقۇلوۆ راستادى. 

"17.09 - دا بۋراباي اۋدانىندا، مالوە چەباچە كولىندە جەدەل قۇتقارۋ جاساعى 1999 جىلعى قىزدىڭ دەنەسىن الىپ شىقتى، ول شومىلۋعا ارنايى جاساقتالماعان جەردە شومىلعان. سول جاقتا سۋعا باتىپ كەتكەن 1996 جىلعى تاعى ءبىر قىزدى ىزدەستىرۋ شارالارى ءجۇرىپ جاتىر"، – دەپ حابارلادى يمانقۇلوۆ. 

ال قازاقستان بويىنشا 6 تامىزدا شومىلۋعا ارنايى جاساقتالماعان جەردە سۋعا تۇسكەن 11 ادام قازا بولعان، تاعى بىرەۋىن ىزدەستىرۋ جۇمىستارى جۇرگىزىلىپ جاتىر. تجك مالىمەتىنشە، سۋعا باتىپ كەتكەندەردىڭ ەكەۋى – بالالار.