FARS اگەنتتىگىنىڭ مالىمەتىنشە، حانزاداعا ەشقانداي زاقىم كەلمەدى. ال شابۋىلدى ۇيىمداستىرۋشى تۇتقىندالدى دەپ حابارلايدى Qamshy.kz اقپارات اگەنتتىگى.

ساۋد ارابياسىنداعى تاققا تالاس سوڭعى ۋاقىتتارى وتە قاتىگەز تۇردە ءجۇرىپ جاتىر. FARS اراب ەلدەرىندەگى دەرەك كوزگە سۇيەنىپ، شابۋىلدى ساۋديالىق حانزادالاردىڭ ءبىرى جاساعانىن حابارلادى. ۇيىمداستىرۋشىنىڭ ەسىمى اتالماي وتىر.

وتكەن ايدا «ال-رەي ال-يۋم» گازەتى  «82 جاستاعى سالمان الداعى 5 ايدا بيلىكتەن كەتەدى» دەپ جازعان بولاتىن. تاققا ەڭ ءبىرىنشى ونىڭ 31 جاستاعى بالاسى وتىرۋى كەرەك. دەسەك تە، بۇعان دەيىن پاتشانىڭ ءىنىسى مۇحاممەد بەن نايەف پاتشانىڭ ورنىنا كەلەدى دەپ كۇتىلگەن. تاققا جاڭا ۇمىتكەر پايدا بولعاندا بەن-نايەف ءۇي قاماققا الىندى.

اراب ەلدەرىندەگى باق-تىڭ حابارلاۋىنشا، ساۋد ارابياسىنىڭ قازىرگى پاتشاسى جولداۋىن دايىنداپ قويعان. وندا ءوزىنىڭ ۇلىنا بيلىكتى تاپسىراتىنىن حابارلاۋى مۇمكىن.