يزرايلدە تەرروريستەردى ءولىم جازاسىنا كەسۋ تۋرالى جاڭا زاڭ جوباسى جاسالدى، دەپ جازادى Qamshy.kz اقپارات اگەنتتىگى «يزۆەستيا» گازەتىنىڭ مالىمەتىنە سۇيەنىپ.
زاڭ جوباسىن ەلدەگى «ليكۋد» پارتياسىنىڭ دەپۋتاتى ناۆا پرەحي-بوكەر ازىرلەدى. بۇل قۇجاتتى ەلدىڭ پرەمەر-مينيسترى بينيامين نەتانياحۋ قولدادى.
زاڭ جوباسىنىڭ باستى ماقساتى – تەراكت پەن تەرروريزمنىڭ الدىن الۋ، ونىمەن كۇرەس جۇرگىزۋ. زاڭ جوباسىنا سايكەس "تەراكت جاسادى" دەپ تانىلعان قىلمىسكەر ءولىم جازاسىنا كەسىلەدى. ال قازىرگى كەزدە جەرگىلىكتى جەردە ەڭ قاتال جازا – ءومىر بويى قاماۋدا وتىرۋ.
ايتا كەتسەك، يزرايلدە 1948 جىلدان بەرى قىلمىسكەرلەردى 2 رەت ءولىم جازاسىنا كەسۋ ورىن الدى.
پىكىر قالدىرۋ