كۇرەستەن ەۋروپا چەمپيونى 20 جاستاعى يۋريي ۆلاسكونى بەلگىسىزدەردىڭ بايكال جاعالاۋىندا گورياچينسك اۋىلىنىڭ ماڭىندا ولتىرگەن ءساتى ۆيدەوعا ءتۇسىپ قالعان دەپ حابارلايدى Qamshy.kz اقپارات اگەنتتىگى vesti.kzسىلتەمە جاساي وتىرىپ.

باسىندا ۆلاسكو تويتارىس بەرىپ، ورنىنان تۇرايىن دەيدى، الايدا سۇلاپ تۇسەدى.

29 شىلدەدە ۆلاسكو دەمالىپ جۇرگەن ءبىر توپ جىگىتپەن جانجالداسقان. توبەلەس شىعىپ، سپورتشى كەۋدە تۇسىنان پىشاق جاراقاتىن العان جانە باسىنا كەم دەگەندە جەتى رەت سوققى تيگەن. سونىڭ سالدارىنان ول قايتىس بولدى. ادام ولتىرگەندەردىڭ كىم ەكەنى انىقتالدى، ولار قاماۋعا الىندى.

20 جاستاعى ۆلاسكو حالىقارالىق دارەجەدەگى سپورت شەبەرى بولعان، ول 96 كەلىگە دەيىنگى سالماقتا ونەر كورسەتكەن. جاستار اراسىندا ەكى رەت ەۋروپا چەمپيونى اتاندى. رەسەيلىك جانە حالىقارالىق جارىستاردا تالاي مارتە جەڭىمپاز اتانعان.