شەشەنستاننىڭ پرەزيدەنتى بولعان دجوحار دۋدايەۆ 1995 جىلى «ۆزگلياد» باسىلىمىنا بەرگەن سۇحباتىندا رەسەيدىڭ جوسپارلارى جايىندا بار شىندىقتى جايىپ سالعان ۆيدەوسى جاريالاندى، دەپ جازادى Qamshy.kz اقپارات اگەنتتىگى. دۋدايەۆتىڭ ايتۋىنشا، رەسەي بيلىگى شەشەنستانداعى سوعىستان كەيىن اسكەرىن قىرىمعا الىپ كىرمەك بولعان.

«رەسەيدىڭ شەشەنستانعا دەگەن كوزقاراسىن وزگەرتۋ ءۇشىن رەسەيدىڭ ءوزى وزگەرۋى قاجەت. رەسەي بيلىگىنىڭ جوسپارى بۇگە-شۇگەسىنە دەيىن ويلاسىتىرىلعان. شەشەنستاننان سوڭ قىرىمعا كوز تىگەدى. قىرىمدى ءالى تالاي قىرعىن كۇتىپ تۇر. ۋكراينامەن دە قاتىعىسادى. رەسەي قۇلدىرامايىنشا، مەنمەندىكتەن ەشقاشان باس تارپايدى، جوسپارلارىن جۇزەگە اسىرماي تىنشىمايدى. رەسەي – رەكەتير. ەكى ۇعىم بۇگىندە ەگىز سەكىلدى. يرانعا يادرولىق تەحنولويانى بەرەمىز دەپ بوپسالاپ، اقشا جاسايدى. ەگەر وركەنيەتتى ەل مۇنى قالاماسا، اقشاسىن بەرەدى»، - دەيدى گەنەرال.

سونداي-اق، ساياساتكەر رەسەي جوسپارىنىڭ قۇرامىنا ەستونيا، لاتۆيا، ليتۆا،قىرعىزستان جانە قازاقستاننىڭ دا كىرەتىنىن ايتىپ قالدى.

ايتا كەتەيىك، العاشقى شەشەن سوعىسى 1994-1996 جىلدارى بولدى، رەسەي مەن شەشەنستاننىڭ اراسىنداعى ەكىنشى سوعىس 1999-2000 جىلدار ارالىعىندا ءوتتى.

دجوحار دۋدايەۆ – شەشەن جاۋىنگەرى، مەملەكەتتىك جانە ساياسي قايراتكەر، ازاتتىق قوزعالىسىنىڭ باسشىسى. 1991 جىلدىڭ 27 قىركۇيەگىندە شەشەنستان رەسپۋبليكاسىنداعى يچكەريانىڭ پرەزيدەنتى اتاندى. الايدا رەسەي بيلىگى مەملەكەتتى مويىنداماي، ەلدە سوعىس باستالعان. رەسەيلىك اسكرەلەردىڭ مالىمەتىنشە، سوعىس بارىسىندا دۋدايەۆ ولتىرىلگەن.