قازاقستاندا الەۋمەتتىك جۇمىسشىلار ءۇشىن ستاندارتتاردى وزگەرتۋ جوسپارلانىپ وتىر. ۇسىنىلىپ وتىرعان جاڭا تالاپتاردىڭ ىشىندە وقۋ ورنىنا تۇسەر كەزىندە ەرىكتى رەتىندەگى (ۆولونتەر) تاجىريبەسى ەسكەرىلەدى، دەپ حابارلايدى  Qamshy.kz  اقپارات اگەنتتىگى قازاقپاراتقا سىلتەمە جاساي وتىرىپ.

«ەگەر دە مەكتەپ تۇلەگى وزىنە ماماندىق تاڭداي وتىرىپ، الەۋمەتتىك قىزمەتكەر فاكۋلتەتىنە نەمەسە الەۋمەتتىك پەداگوگ باعىتىنا قۇجات تاپسىرۋعا بارسا، وندا بۇل تالاپكەردىڭ ەرىكتى رەتىندەگى تاجىريبەسى مىندەتتى تۇردە بولۋى ءتيىس. ول الەۋمەتتىك قىزمەتكەر رەتىندە ماماندىق العانعا دەيىن الەۋمەتتىك ليفتىدەن ءوتۋى ءتيىس. سوندىقتان ول ءتيىستى تاجىريبەنى الۋى ءۇشىن كۋرستاردان ءوتىپ، مەديسينالىق-الەۋمەتتىك مەكەمەلەردە جۇمىس ىستەپ، مۇمكىندىگى شەكتەۋلى ازاماتتارعا كومەكتەسۋى كەرەك»،- دەدى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.

ونىڭ پايىمىنشا، وسىنداي شارالار جۇيەدەن دايىندىقسىز كەلگەن ادامداردى شەتتەتەدى. سەبەبى بۇنداي ماماندار وقۋ ورنىن ءتامامداعاننان كەيىن، سالادا نەبارى ەكى-ۇش اي عانا قىزمەت ەتەدى. تالداۋ ناتيجەلەرىنە قاراعاندا، الەۋمەتتىك پەداگوگ نەمەسە الەۋمەتتىك قىزمەتكەر ماماندىعىن العان تۇلەكتەردىڭ 50 پايىزى كاسىبى بويىنشا جۇمىس ىستەمەيدى ەكەن.