كورەيا رەسپۋبليكاسىنىڭ وكىلدەرى بىرنەشە پلانشەت ۇرلانعانى جايىندا حابار بەردى، دەپ جازادى Qamshy.kz اقپارات اگەنتتىگى. ۇرلانعان گادجەتتەر تۋرالى مالىمەت قازاقستاندىق سايتتاردا پايدا بولدى.

باسىلىمداردىڭ مالىمەتىنشە، كەلۋشىلەر پاۆيلوندى ارالاپ جۇرگەن ۋاقىتتا ولارعا پلانشەتتەر تاراتىلادى. الايدا، شىعار كەزدە پلانشەتتەردى قايتارۋ كەرەك. ال قازاقستاندىقتار ونى سىي دەپ ويلاپ، قۇرىلعىلاردى قايتارماي كەتكەن.

«استانا ەكسپو-2017» ۇلتتىق كومپانياسىنىڭ باسپا ءسوز قىزمەتىندە حابارلانعانداي، كورەي پاۆيلونىنىڭ وكىلدەرى مەن كوميسسارى ەكسپو-داعى ۇرلىق جايلى اقپاراتتى راستاماي وتىر.

«پاۆيلون وكىلدەرى، سونىڭ ىشىندە كوميسسار اتالمىش اقپاراتتى راستاعان جوق. ءىستى تەرگەۋ جۇمىستارى جۇرگىزىلەتىن بولادى. الايدا بۇل دەرەكسىز اقپارات، پاۆيلون وكىلدەرى ونى جوققا شىعارىپ وتىر»، – دەپ حابارلادى ۇلتتىق كومپانيا Today.kz تىلشىسىنە.