بۇگىن ق ر پرەمەر-مينيسترى باقىتجان ساعىنتايەۆتىڭ توراعالىعىمەن ءوتىپ جاتقان ۇكىمەت وتىرىسى بارىسىندا 2017-2020 جىلدارعا ارنالعان ءونىمدى جۇمىس جانە جاپپاي كاسىپكەرلىك باعدارلاماسىن جۇزەگە اسىرۋ اياسىندا ق ر ءبىلىم جانە عىلىم مينيسترلىگىنىڭ ەسەبى قارالدى دەپ حابارلايدى Qamshy.kz اقپارات اگەنتتىگى.
ەرلان ساعادييەۆ مينيسترلىكتىڭ باعدارلاما اياسىندا ەڭبەك نارىعىنىڭ تالاپتارىن ەسكەرۋمەن تەحنيكالىق جانە كاسىپتىك ءبىلىمى بار كادرلار دايارلاۋدى ىسكە اسىرۋعا جالپى ۇيلەستىرۋ مەن مونيتورينگ جۇرگىزەتىنىن باياندادى. ماسەلەن، 2017 جىل مەن 2021 جىل ارالىعىندا اتالعان باعىت بويىنشا باعدارلاما اياسىندا 320،5 مىڭ ادام تارتىلاتىن بولادى.
سونىمەن قاتار، ايماقتاردا كادرلار دايارلاۋعا ۇمىتكەرلەر ءتىزىمىن قۇراتىن 1844 ءموبيلدى توپ قۇرىلدى. 586 بىلىكتىلىك بويىنشا جۇمىسشى كادرلارىن (سەرۆيس جانە قىزمەت كورسەتۋ، تەحنيكالىق، تەحنولوگيالىق، اۋىل شارۋاشىلىعى) دايارلاۋ ءۇشىن 317 ءبىلىم بەرۋ ۇيىمىمەن 271 باسىمدىقتى ماماندىقتان تۇراتىن ءتىزىم انىقتالدى.
پىكىر قالدىرۋ