"تاليبان" سودىرلارى اۋعانستاننىڭ سولتۇستىگىندە شالعايداعى اۋىلدا كەپىلگە الىنعان 235 تۇتقىندى بوساتتى. مۇندا 8 تامىزدا 50 بەيبىت تۇرعىن ولتىرىلگەن، دەپ حابارلايدى Qamshy.kz اقپارات اگەنتتىگى centralasian.org سايتىنا سىلتەمە جاساپ.
8 تامىزدا كەشكىسىن "235 ادام، سونىڭ ىشىندە بالالار مەن ايەلدەر بوساتىلدى. ولارعا اقساقالدار مەن پروۆينسيا شەنەۋنىكتەرى اراشا ءتۇستى"، - دەپ حابارلادى پروۆينسيا گۋبەرناتورىنىڭ رەسمي وكىلى زابيۋللا اماني AFP اقپارات اگەنتتىگىنە. "ولار ساري-پۋل قالاسىنا امان-ەسەن جەتكىزىلدى"، - دەدى اماني.
ارنايى قىزمەتتەگى دەرەككوزدىڭ AFP اگەنتتىگىنە حابارلاۋىنشا، ميرزا ولاندا شامامەن 100 شاقتى ادامدى كەپىلدە ۇستاپ وتىر. بۇل اۋىل وتكەن دەمالىس كۇندەرى سودىرلار باسىپ العان ساري-پۋل اۋدانىندا ورنالاسقان.
جەرگىلىكتى شەنەۋنىكتەردىڭ مالىمەتى بويىنشا، "تاليبان" مەن "يسلام مەملەكەتى" سودىرلارى بىرلەسىپ جاساعان شابۋىلدان بۇل اۋىلدىڭ 50-گە جۋىق تۇرعىنى قازا تاپتى. سودىرلار مەن جەرگىلىكتى ۇكىمەت جاساعى ەكى تاۋلىك بويى سوعىستى. سودىرلار شامامەن 150 وتباسىنى كەپىلگە العان.
پىكىر قالدىرۋ