Qamshy.kz اقپارات اگەنتتىگىنىڭ ەلەكتروندى پوشتاسىنا ءقىدىرالى ورازۇلىنان حات كەلدى. شەتەلدەن اتاجۇرتقا قونىس اۋدارعان 9 ازامات ق ر پرەزيدەنتى نۇرسۇلتان نازاربايەۆتان، ق ر ىشكى ىستەر ءمينيسترى ق.قاسىموۆتان، ق ر سىرتقى ىستەر ءمينيسترى ق.ابدراحمانوۆتان، ق ر ۇلتتىق قاۋىپسىزدىك كوميتەتىنىڭ ءتوراعاسى ك. ماسىموۆتەن، دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى ز.تۇرىسبەكوۆتەن جانە باق-قا كومەك سۇراپ حات جولداپتى.
ەستەرىڭىزگە سالا كەتەيىك، تارازداعى كوشى-قون پوليسياسى ارقىلى قۇجات راسىمدەگەن قانداستار ىقتيار حاتتىڭ ەكى جىلدان كەيىن جارامسىز ەكەنىن انىقتاعان. ەندى ولار قازاقستاننان دەپورتاسيالانۋى مۇمكىن. ال قىتايعا قايتىپ ورالسا، قاماۋعا الىنۋى مۇمكىن ەكەنىن ايتادى.
قازاقستان رەسپۋبليكاسىنىڭ پرەزيدەنتى
نۇرسۇلدان ءابىش ۇلى نازاربايەۆقا
ق ر ىشكى ىستەر ءمينيسترى ق.قاسىموۆقا
ق ر سىرتقى ىستەر ءمينيسترى ق.ءابدىراحمانوۆقا
ق ر ۇلتتىق قاۋىپسىزدىك كوميتەتىنىڭ ءتوراعاسى ك. ماسىموۆكە
دۇنيەجۇزى قازاقتارى قاۋىمداستىعى
ءتوراعاسىنىڭ ءبىرىنشى ورىنباسارى ز.تۇرىسبەكوۆكە
ق ر بۇقارالىق اقپارات قۇرالدارىنىڭ نازارىنا!
اشىق حات
سىزدەردەن، قىتايعا دەپورتاسيالانۋى مۇمكىن دەلىنگەن 250 ەتنيكالىق قازاق قانداستارىمىزعا اراشا سۇرايمىز!
جامبىل وبلىستىق كوشى-قون پوليسياسى قىزمەتكەرلەرىنىڭ بىلىقپالىعى كەسىرىنەن، زاڭدى تۇردە كەرەكتى قۇجاتتارىن راسىمدەپ، وسى مەكەمەدەن العان ىقتيار حاتى جارامسىز دەپ تانىلۋىنا بايلانىستى 250 قانداسىمىز ەلدەن كەتۋگە ءماجبۇر بولىپ وتىر.
ەگەر ولار قىتايعا دەپورتاسيالانسا بىردەن تۇرمەگە قامالادى.
سوندىقتان سىزدەردەن وسى قانداستارىمىزدىڭ جامبىل وبلىستىق كوشى-قون قىزمەتكەرلەرىنىڭ كەسىرىنەن جازىقسىز قىتايعا دەپارتاسيالانۋىنا جول بەرمەۋلەرىڭىزدى سۇرايمىز.
حاتقا قول قويعانداردىڭ ءتىزىمى قوسىمشا رەتىندە بەرىلدى.
پىكىر قالدىرۋ