«تاليبان» اۋعانستاننىڭ سولتۇستىگىندە ورنالاسقان شالعايداعى اۋىلدا كەپىلدە ۇستاعان 235 ادامدى بوساتقان، دەپ جازادى Qamshy.kz اقپارات اگەنتتىگى. جەرگىلىكتى باق-تىڭ مالىمەتىنشە، 8 تامىزدا دايش سودىرلارىمەن بىرىككەن «تاليبان» مۇندا 50-گە جۋىق بەيبىت تۇرعىندى ولتىرگەن.

«8 تامىز كۇنى كەشكە جەرگىلىكتى اقساقالدار مەن پروۆينسيا شەنەۋنىكتەرىنىڭ قاتىسۋىمەن ميرزا ولاننان 235 ادام بوساتىلعان، – دەپ حابارلادى پروۆينسيا گۋبەرناتورىنىڭ رەسمي وكىلى زابيۋللا اماني AFP اگەنتتىگىنە. گۋبەرناتور وكىلىنىڭ ايتۋىنشا، تۇتقىندار ساري-پۋل قالاسىنا امان-ەسەن جەتكىزىلگەن. ال كەپىلدە ءالى قانشا ادام قالعانى بەلگىسىز.  

AFP اگەنتتىگىنىڭ مالىمەتىنە سۇيەنسەك، ميرزا ولاندا 100-گە جۋىق ادامدى ۇستاپ وتىر. بۇل اۋىل سودىرلار وتكەن دەمالىستا جاۋلاپ العان ساري-پۋل اۋدانىندا ورنالاسقان. جەرگىلىكتى شەنەۋنىكتەردىڭ ايتۋىنشا، «تاليبان» مەن دايش سودىرلارىنىڭ ارەكەت ەتۋى سيرەك كەزدەسەدى.