الماتىدا «وڭاي» ەلەكتروندى بيلەتتەندىرۋ جۇيەسىنىڭ سارالانعان ءتاريفى ەنگىزىلگەلى بەرى 144 اۆتوبۋس جۇرگىزۋشىسىنە ايىپپۇل سالىندى، دەپ  Qamshy.kz اقپارات اگەنتىگى.

ايتا كەتۋ كەرەك، «الماتى كولىك حولدينگى» مەن قالالىق جولاۋشىلار تاسىمالى جانە اۆتوموبيل جولدارى باسقارماسىنىڭ كولىكتىك باقىلاۋ ينسپەكسياسىنىڭ وكىلدەرى كۇن سايىن رەيدكە شىعىپ ءجۇر.

تەكسەرۋ جۇمىستارىنىڭ ارقاسىندا 66 جۇرگىزۋشىنىڭ جولاۋشىلاردى بيلەتسىز تاسىمالداعاندىعى انىقتالدى. 78 جاعدايدا جۇرگىزۋشىلەر ايالداماعا توقتاماي ءوتىپ كەتكەن.

بيلەتسىز ادام تاسىمالداعان جۇرگىزۋشىلەرگە 5 اەك كولەمىندە ايىپپۇل سالىندى. سارالانعان تاريف ەنگىزىلگەلى بەرى 186 جولاۋشىعا 800 000 تەڭگە كولەمىندە ايىپپۇل سالىندى.

«ءبىز رەيد بارىسىندا انىقتالعان مالىمەتتەردى كورە وتىرىپ، تاسىمالداۋشى كاسىپورىندار جۇرگىزۋشىلەردىڭ قانداي زاڭبۇزۋشىلىقتار جاسايتىندىعىن كورىپ، ءبىلدى دەگەن سەنىمدەمىز. ولاردىڭ ارەكەتىنەن جولاۋشىلار جاپا شەگەدى. جولاقىسىن تولەسە دە، بيلەت تالاپ ەتپەي، سول ءۇشىن ايىپپۇل تولەپ جاتقاندار بار»، – دەدى «الماتى كولىك حولدينگى» ج ش س ديرەكتورى سادير حامرايەۆ.