2017 جىلدىڭ 10 تامىز كۇنى، ساع 14:30-دا  «ەكسپو-2017»  مامانداندىرىلعان كورمەسى اياسىندا تۇركيا پاۆيلونىندا تۇرىكتىڭ «ەرتۇعىرىل» اتتى تاريحي تۋىندىسىنىڭ اكتەرلەرىمەن باسپا ءسوز ءماسليحاتى وتەدى. كەزدەسۋ بارىسىندا وسى تەلەحيكايانىڭ كەيىپكەرلەرىن سومداعان  اكتەرلەر - نۋرەتتين سونمەز (بامسى بەيرەك)، دجەنگيز دجوشكۋن (تۋرگۋت الپ) جانە رەجيسسەر مەحمەت بوزداگ پاۆيلون قوناقتارىنىڭ سۇراقتارىنا جاۋاپ بەرىپ، اۆتوگراف تاراتادى، دەپ حابارلايدى Qamshy.kz اقپارات اگەنتتىگى قازاقستان ۇلتتىق ارناسىنا سىلتەمە جاساي وتىرىپ.

ەسكە سالا كەتەيىك، «ەرتۇعىرىل» تەلەحيكاياسى «قازاقستان» ۇلتتىق تەلەارناسىنان دۇيسەنبى-جۇما ارالىعىندا ساعات 22:35-تە كورسەتىلىپ كەلەدى. اتالمىش تەلەحيكايا ءى وسماننىڭ اكەسى ەرتۇعىرىل باتىردىڭ كورشىلەس جاتقان تالاي مەملەكەتتەردىڭ زارەسىن العان قاس باتىرلىعى جايىندا. ونىڭ باستى ماقساتى – باسقىنشىلىق ساياساتىن ۇستانعان ۆيزانتيالىقتاردى باسىپ الۋ بولدى. ەرتۇعىرىل وسى ماقساتىنا جەتكەننەن كەيىن دە توقتاپ قالماي، جاۋگەرشىلىك ساپارىن جالعاستىرىپ، ازيا مەن ەۋروپانىڭ كوپ بولىگىن يەلەنگەن.