كوكشەتاۋ قالاسىندا «ايەلدەر جۇرگىزەدى» قايىرىمدىلىق اۆتوكەرۋەنى اكسياسى باستالدى. بۇل اكسيانى ۇيىمداستىرۋشىلار اقمولا وبلىسىنىڭ ىسكەر ايەلدەر قاۋىمداستىعى دەپ حابارلايدى Qamshy.kz اقپارات اگەنتتىگى. اتالعان اكسيا قاۋىمداستىقتىڭ قۇرىلۋىنىڭ ەكى جىلدىق قۇرمەتىنە، مۇگەدەكتەرگە، از قامتىلعان جانە كوپ بالالى وتباسىلارعا الەۋمەتتىك كومەك كورسەتۋ ماقساتىندا وتكىزىلدى، دەپ حابارلايدى اقمولا وبلىسى ىشكى ساياسات باسقارماسىنىڭ وڭىرلىك كوممۋنيكاسيالار قىزمەتى.

وتكەن سەنبىدە شورتاندى اۋدانىندا جەكە كاسىپكەر، وبلىستىق ءماسليحاتتىڭ دەپۋتاتى، قاۋىمداستىقتىڭ ءتوراعاسى يرينا جۋكوۆا اۋدانداعى ىسكەر ايەلدەردى، اۆتوكەرۋەننىڭ قاتىسۋشىلارىن شاشۋ شاشىپ، نان مەن تۇز ۇسىنىپ سالتاناتتى تۇردە قارسى الدى.

ولان ءارى كوڭىلدى جالاۋشالارمەن بەزەندىرىلگەن، كوپ بالالى وتباسىلار ءۇشىن قايىرىمدىلىق كومەكپەن تيەلگەن اۆتوكولىكتەر شورتاندى كەنتىنىڭ ورتالىعىنا كەلدى. اكسيانىڭ جالعاسى رەتىندە اۋداندىق اكىمدىكتىڭ ءماجىلىس زالىندا اۋداننىڭ ءتۇرلى سالاسىنىڭ بەلسەندى ايەلدەرىمەن بەس ءتۇرلى ينستيتۋسيونالدىق رەفورمالاردى، كاسىپكەرلىك جانە لايف-كوۋچينگ ءتۇسىندىرۋ بويىنشا سەمينار وتكىزىلدى.

اۋدان اكىمىنىڭ ورىنباسارى ەرلان مۇحامەدين ايەلدەر قاۋىمىن قوشەمەتتەپ، ءوزىنىڭ جىلى ءجۇزدى، بەيرەسمي سوزىندە، ايەل بۇگىنگى كۇنى كۇندەلىكتى تۇرمىسقا، بالا تاربيەسىنە عانا جاۋاپتى ەمەس، سونىمەن قاتار ەلدىڭ ەكونوميكالىق جانە قوعامدىق ومىرىنە ەلەۋلى ۇلەس قوساتىنىن اتاپ ءوتتى. ول اۋدان ءومىرىنىڭ بارلىق سالاسىندا، اتاپ ايتساق،  مەملەكەتتىك قىزمەتتە، ءبىلىم بەرۋ سالاسىندا، دەنساۋلىق ساقتاۋ سالاسىندا جانە ازاماتتىق سەكتوردا ايەلدەر لايىقتى ۇسىنىلاتىنىن ايقىن كۋالاندىراتىن مالىمەتتەردى كەلتىردى.

ءىس-شارالار سوڭىندا شورتاندى اۋدانىنىڭ ىسكەر ايەلدەرى ەستافەتانى قابىلداپ، قايىرىمدىلىق اۆتوكەرۋەنىنە قوسىلدى، ول كەلەسى كۇنى سەلينوگراد اۋدانىنا بەت الدى.