بەلگرادتا قازاقستاننىڭ سەربياداعى توتەنشە جانە وكىلەتتى ەلشىسى نۇرباق رۇستەموۆ سەربيا پرەزيدەنتى الەكساندر ۆۋچيچ جانە سەربيا پرەمەر-مينيسترىنىڭ ءبىرنشى ورىنباسارى يۆيس داچيچ كەزدەسۋ وتكىزدى، دەپ جازادى Qamshy.kz اقپارات اگەنتتىگى.

تاراپتار قازاقستان-سەربيا ىنتىماقتاستىعىنىڭ كەلەشەگىن، ىشكى ساياسي جانە ەكى ەل اراسىنداعى الەۋمەتتىك-ەكونوميكالىق قالىپتاسۋ ماسەلەلەرىن تالقىلادى. سونداي-اق سەربيا مەن بالقان ەلدەرى اۋماعىنداعى سىرتقى ساياسي جاعدايلار دا نازاردان تىس قالمادى.

قازاقستاندىق ديپلومات سەربيا باسشىلىعىنا قازاقستان مەن سەربيا اراسىنداعى ساۋدا-ەكونوميكالىق قارىم-قاتىناستىڭ نىعايىپ كەلە جاتقانىن ايتىپ، بولاشاقتاعى ەكى جاقتى ساپارلار جايىن دا ءسوز ەتتى. سەربيا پرەزيدەنتىنە ەلباسى نۇرسۇلتان نازاربايەۆتىڭ اتىنان ەكسپو-2017 حالىقارالىق كورمەسىنە قاتىسقانى ءۇشىن العىس حات تابىستالدى.

الەكساندر ۆۋچيچ تە قازاقستانعا قوناقجايلىلىعى ءۇشىن العىسىن ءبىلدىرىپ، «ەكسپو-2017» كورمەسىنىڭ جوعارى دەڭگەيدە ۇيىمداسىتىرلعانىنا تاڭ قالىسىن جاسىرمادى. ءوز سوزىندە قازاقستاندىق ينۆەستورلاردى سەربيا نارىعىنا بەلسەندى تۇردە ەنۋگە شاقىرىپ، ساۋدا-ەكونوميكالىق سالاسىندا وزلەرىنىڭ الەۋەتىن پايدالانۋعا دايىن ەكەندەرىن جەتكىزدى.