ۆەنەسۋەلا سىرتقى ىستەر ءمينيسترى حورحە اررەاسا مەملەكەت باسشىلىعىنىڭ ۆاشينگتون تاراپىنان بەلگىلەنگەن جاڭا شەكتەۋلەردى مويىندامايتىنىن ءمالىم ەتتى دەپ جازادى Qamshy.kz اقپارات اگەنتتىگى. بۇل تۋرالى جەرگىلىكتى Reuters اگەنتتىگى حابارلادى. 

«ءبىز سولتۇستىك امەريكا يمپەرياسى تاراپىنان شىققان اگرەسسيانى قابىلدامايمىز. ۆاشينگتوننىڭ ۆەنەسۋەلا حالقىنا قارسى ەنگىزگەن سانكسيالارىن مويىندامايمىز»، – دەدى ۆەنەسۋەلا ءسىم تەليەۆيزيالىق حابارلاما ارقىلى.

ايتا كەتەيىك، سارسەنبى كۇنى اقش ۆەنەسۋەلاعا قارسى سانكسيانى كەڭەيتىپ، قاتارىنا ۇيىمدار مەن جەكە تۇلعالاردى، سونىڭ ىشىندە 8 شەنەۋنىك پەن ەلدىڭ بۇرىنعى پرەزيدەنتى ۋگو چاۆەستىڭ اعاسى ادان چاۆەستى دە قوسقان. بۇدان بۇرىن اقش ۆەنەسۋەلا پرەزيدەنتى نيكولاس مادۋروعا قارسى سانكسيالار ەنگىزگەن.

وتكەن سەنبىدە ۆەنەسۋەلادا مەملەكەت كونستيتۋسياسى مەن بيلىك جۇيەسىن وزگەرتۋ ماسەلەسى تالقىلانعان ۇلتتىق قۇرىلتاي وتىرىسى وتكەن. الايدا وپپوزيسيا قۇرىلتاي وتىرىسىنداعى تالقىلانعان ماسەلەلەر مەن داۋىس بەرۋدى مويىنداماي، نارازىلىق تانىتقان.