كاتار مەملەكەتى الەمنىڭ 80 مەملەكەتىنىڭ ازاماتتارىنا ۆيزا رەجيمىن جەڭىلدەتۋگە كەلىستى دەپ حابارلايدى Qamshy.kz اقپارات اگەنتتىگى. ولاردىڭ قاتارىنا قازاقستان، ءۇندىستان، رەسەي جانە جۇڭگو ەلدەرى كىرەدى.

قازاقستان ازاماتتارى كاتار جارتىارالىنا 30 كۇندىك ۆيزامەن كىرە الادى. ۇستىنە قوسىمشا 30 كۇن قوسىلۋى مۇمكىن. قالعان 33 مەملەكەتتىڭ، گەرمانيا، فرانسيا، تۇركيا ەلدەرىنىڭ ازاماتتارى كاتار ەلدەرىنە 180 كۇندىك ۆيزامەن كىرە الادى. ولارعا تاعى 90 كۇن قوسۋ مۇمكىندىگى بەرىلگەن.

تەرروريزمدى قولدادى دەگەن ايىپ تاعىلعان كاتار وسىنداي ءادىس ارقىلى تۋريستەردى تارتپاق.

تۋريزم دەپارتامەنتىنىڭ باسشىسى حاسان ال-يبراگيمنىڭ ايتۋىنشا، دوحا قالاسى كاتاردىڭ مادەنيەتىمەن، تابيعي بايلىعىمەن تانىسىپ، جارتىارال ەميراتى جايىندا تەرەڭىرەك بىلگىسى كەلگەن تۋريستەرىن قۋانا قابىلدايدى.

كاتاردىڭ لاۋازىمدى شەنەۋنىگى مەملەكەتتىڭ ۆيزالىق ساياساتىن ودان ءارى جەتىلدىرۋ جوسپاردا ەكەنىن مالىمدەدى.

بۇدان بۇرىن ايلىق ۆيزالاردىڭ باعاسى 30 اقش دوللارى شاماسىندا بولعان.