گەرمانيا بيلىگى اۋعان ميگرانتتارىن جاپپاي ەلىنە قايتارۋ شەشىمىنەن باس تارتتى. سىرتقى ىستەر مينيسترلىگى جانە ىشكى ىستەر مينيسترلىگى اۋعانستانداعى جاعدايدى قايتا قاراپ، ونى "ءقاۋىپسىز ەلدەر" تىزىمىنەن شىعاردى دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
وسى ۋاقىتقا دەيىن گەرمانيا ۇكىمەتى اۋعانستاننىڭ قاۋىپسىزدىك جاعدايىن قاناعاتتاندىرارلىق دەپ باعالاپ كەلگەن. مۇنداي "ءقاۋىپسىز" ەلدەر قاتارىنا البانيا، ماكەدونيا، چەرنوگوريا جانە سەربيا كىرگەن. بۇل ەلدەردىڭ بوسقىندارىن ەلدەرىنە قايتارۋمەن اينالىسقان.
گەرمانيا بيلىگى 10 مىڭعا جۋىق اۋعان ميگرانتىن ەلىنە قايتارۋدى جوسپارلاعان. وتكەن جىلى قاراشادا وسىنداي شەشىم قابىلدانعان. مامىر ايىندا كابۋلدا تىركەلگەن جويقىن جارىلىستان سوڭ اۋعانستانداعى قاۋىپسىزدىك دەڭگەيى قايتادان باعالاندى.
2016 جىلى گەرمانيا 27 بوسقىندى اۋعانستانعا قايتارعان، ال 2015 جىلى – 9 اۋعان بۇل ەلدەن باسپانا الا المادى. قازىرگى تاڭدا گەرمانيادا 250 مىڭعا جۋىق اۋعان بار. بۇل – اۋعانستاننان كوشكەن ازاماتتاردىڭ شامامەن 5 پايىزى.
پىكىر قالدىرۋ