بۇل تۋرالى جامبىل وبلىسىنىڭ وڭىرلىك كوممۋنيكاسيالار قىزمەتىندە وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قويباقوۆ سەرىك مامىرتاي ۇلى ايتىپ ءوتتى دەپ حابارلايدى Qamshy.kz اقپارات اگەنتتىگى.
سەرىك مامىرتاي ۇلىنىڭ ءوز بايانداماسىندا، ورمان قورى اۋماعىنداعى 614 ورمان پايدالانۋشىلارمەن ورتكە قارسى كۇرەس شارالارىن ۇيىمداستىرۋ جونىندە كەلىسىمشارتتار جاسالىپ، ولاردىڭ جاۋاپكەرشىلىكتەرى اتاپ كورسەتىلىپ، جوعارى تالاپتار قويىلدى.
2017 جىلدىڭ 10 ءساۋىر ايىنان باستاپ ورمان شارۋاشىلىعى جانە جانۋارلار دۇنيەسى كوميتەتىنىڭ «قازاق اۆياسيالىق ورمان كۇزەتۋ» مەكەمەسىنىڭ 1 ۇشاعى مەن 1 تىكۇشاعى ارقىلى وبلىس ورمان قورىنىڭ 3،2 ميلليون گەكتارى اۋەدەن كۇزەتىلدى. «ۇلتتىق عارىش ساپارى» اكسيونەرلىك قوعامى ارقىلى وبلىستاعى دالا جانە ورمان ورتتەرى باقىلاۋىنا مونيتورينگ جۇرگىزىلۋدە. اعىمداعى جىلدىڭ 1 ماۋسىمىنان 20 قىركۇيەگىنە دەيىن «جەكە تۇلعالاردىڭ مەملەكەتتىك ورمان قورى اۋماعىندا بولۋىنا تىيىم سالۋ تۋرالى» جامبىل وبلىسى اكىمدىگىنىڭ 2017 جىلعا قاۋلىسى قابىلداندى. وبلىس اكىمدىگىنىڭ توتەنشە جاعدايلار كوميسسياسىنىڭ توراعاسىمەن 2017 جىلى 6 ماۋسىمىنداعى قازاقستان رەسپۋبليكاسىمەن قىرعىز رەسپۋبليكاسىنىڭ ترانسشەكارالىق اۋماقتا، تابيعي ءورتتى سوندىرۋگە سايكەس ورت-تاكتيكالىق وقۋ-جاتتىعۋ وتكىزۋ بويىنشا بەكىتىلگەن نۇسقاۋلىعىن باسشىلىققا الا وتىرىپ، اعىمداعى جىلدىڭ 9 ماۋسىمىندا ۇلكەن كولەمدى وقۋ-تاجىريبەلىك جاتتىعۋ وتكىزىلدى. وبلىستىق ورمان قورى جەرىندە 4 ورمان ءورتى 11275 گا جەردە تىركەلىندى. اعىمداعى جىلدىڭ 23 ماۋسىم كۇنى ساعات 1009 قوسقۇدىق ورمان شارۋاشىلىعى مەملەكەتتىك مەكەمەسىنىڭ ورمان قورىندا نايزاعايدىڭ اسەرىنەن ورمان ءورتى بايقالدى. اۋا-رايىنىڭ ىستىعى +39 گرادۋس جانە جەلدىڭ جىلدامدىعى 23-25 م/س بولعاندىقتان ورمان ءورتى ۇلكەن كولەمگە ۇلعايىپ، مويىنقۇم مەملەكەتتىك مەكەمەسىنىڭ جەرىنە كىردى. ءورت وشىرۋگە 121 ادام، 28 تەحنيكا ، ونىڭ ىشىندە 12 تراكتور سوقاسىمەن قاتىستى. ءورت 24 ماۋسىم ساعات 0400 وقشاۋلاندى (لوكاليزوۆانو). 26 ماۋسىم 2017 جىلى ساعات 19-00 تولىعىمەن جويىلدى. ءورتتىڭ ۇلكەن كولەمگە ۇلعايۋى: اۋا رايىنىڭ ىستىقتىعى، جەلدىڭ قاتتى تۇرۋى، راديوبايلانىستىڭ تومەن دەڭگەيى جانە اۋدان كولەمىندە كومەكتەسكەن تەحنيكانىڭ (تراكتور سوقاسىمەن) ازدىعى.
بۇگىنگى تاڭدا مويىنقۇم، قوسقۇدىق، جۋالى جانە بايزاق اۋداندارىندا ورىن العان ورتكە قىزمەتتىك تەكسەرۋ ماتەريالدارى ىشكى ىستەر ورگاندارىنا جىبەرىلدى. ورمان قورىندا ءورت جىبەرگەن ءۇشىن قوسقۇدىق مەملەكەتتىك مەكەمەسىنىڭ ديرەكتورى ن. نۇرمولدايەۆقا، جۋالى مەملەكەتتىك مەكەمەسىنىڭ ديرەكتورى ا. مۋرتازايەۆقا قاتاڭ سوگىس، بايزاق مەملەكەتتىك مەكەمەسى ديرەكتورىنىڭ م. ا. ق. جاسۇزاقوۆقا جانە مويىنقۇم مەملەكەتتىك مەكەمەسى ديرەكتورىنىڭ م. ا. ك. ابايعا سوگىس بەرىلدى.
قازىرگى تاڭدا باسقارماعا قاراستى مەملەكەتتىك مەكەمەلەردىڭ ماماندارى ورمان قورىنا ءورت جىبەرمەۋ ماقساتىندا تاۋلىك بويى كەزەكشىلىك ۇيىمداستىرىلىپ، ءتيىستى ءىس-شارالار جاسالىنىپ جۇمىس اتقارىلۋدا.
ءورت قاۋىپسىزدىك ءىس-شارالارىنىڭ ورىندالۋى باسقارمانىڭ تۇراقتى نازارىندا جانە باقىلاۋىندا، – دەپ ايتتى باسقارما باسشىسى سەرىك مامىرتاي ۇلى.
پىكىر قالدىرۋ