حالىقارالىق كورمەنى ءساتتى وتكىزۋىنە اكىمدىك جانىندا EXPO كورمەسىنە دايىندىق بويىنشا ۇيلەسىمدى ارەكەتتەر مەن ۇلكەن دايىندىق جۇمىسى سەپتىگىن تيگىزدى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
قالانىڭ اكىمدىگىمەن كورمە اياسىندا ۇيىمداستىرىلعان شارالار بەلگىلەنگەن ءارى بەكىتىلگەن ۋاقىتقا سايكەس وتكىزىلدى.
شتابتىڭ جۇمىسى نەگىزگى 5 باعىت بويىنشا ۇيىمداستىرىلدى:
- قۇرىلىس نىساندارىنىڭ ۋاقىتىلى پايدالانۋعا بەرىلۋىن قامتاماسىز ەتۋ؛
- كولىك جانە ينجەنەرلىك ينفراقۇرىلىمدى پايدالانۋعا بەرۋمەن قامسىزداندىرۋ؛
- تۋريستەردى قابىلداۋعا كاسىپورىنداردى دايىنداۋ؛
- قالانى مەرەكەلىك ستيلدە بەزەندىرۋ؛
- سپورتتىق-بۇقارالىق شارالاردى وتكىزۋ؛
- قوعامدىق كولىك قوزعالىسىنىڭ جانە لوگيستيكا كەستەسىن ازىرلەۋ؛
- قاجەتتى ازىق-تۇلىك ونىمدەرىمەن قامتاماسىز ەتۋ؛
- ەلگە كەلگەن تۋريستەردىڭ قاۋىپسىزدىگىن قامتاماسىز ەتۋ ءۇشىن جاعداي جاساۋ.
«بۇگىندە قالانىڭ بارلىق قىزمەتتەرى كولىك قىزمەتى، قاۋىپسىزدىكتى قامتاماسىز ەتۋ، مەديسينالىق جاردەم كورسەتۋ، تۋريستىك قىزمەتتەر سىندى بارلىق سالالاردى قامتيتىن كەشەندى جوسپارلار مەن ىس-ارەكەتتەر اياسىندا كۇشەيتىلگەن رەجيمدە جۇمىس ىستەۋدە»، – دەدى قالا باسشىلىعى.
تۋريزم
كورمە اشىلعاننان بەرى ەلورداعا 2،1 ملن.-نان استام ادام كەلدى، ولاردىڭ 1،4 ملن. ادامى – تۋريستەر. تەمىرجول ۆوكزالدارىنىڭ جۇكتەمەسى 60 پايىزدى قۇرايدى، اۋەجايدىڭ جۇكتەمەسى – 70 پايىز، تۋروپەراتورلاردىڭ قىزمەتىنە سۇرانىس 78 پايىزعا ارتتى.
6 اقپاراتتىق دۇڭگەشىكتەر قۇرىلعان، ولار ءوز الدىنا قاجەتتى قىزمەت كورسەتۋدە، اتاپ ايتقاندا 3 تىلدە جازىلعان اقپاراتتىق جادىنامالاردى ۇسىنادى. تۋريستىك Welcometoastana ينتەرنەت-پورتالىنىڭ قولدانۋشىلار سانى ەكى اي ىشىندە 20 مىڭعا جەتتى، سايتقا كىرۋ كورسەتكىشى 75 مىڭدى قۇرايدى.
ەلوردانىڭ تىرشىلىك ارەكەتىن ۇزدىكسىز قامتاماسىز ەتۋ ءۇشىن جانە شتاتتان تىس وقيعالارعا ارەكەت ەتۋ بويىنشا جەدەل شەشىم قابىلداۋ ماقساتىندا استانا قالاسى اكىمدىگىنىڭ جاعداياتتار ورتالىعى قۇرىلدى. ورناتىلعان بەينەكامەرالار ەلورداداعى قىلمىستى تومەندەتۋگە سەپتىگىن تيگىزدى.
ازىق-تۇلىكپەن قامتاماسىز ەتۋ
قولدانىستاعى نورماعا سايكەس ەلوردادا ازىق-تۇلىك تۇتىنۋ كولەمى كۇنىنە 1500 توننا ازىق-تۇلىك ءونىمىن قۇرايدى. كورمەگە قوناقتاردىڭ كوپتەپ كەلۋىنە بايلانىستى ازىق-تۇلىك ونىمدەرىن تۇتىنۋ 20-30 پايىزعا ارتتى.
وسىعان بايلانىستى باعانى تۇراقتاندىرۋدا جاڭا تەتىكتەر قابىلدانىپ، قالاعا ازىق-تۇلىك ونىمدەرىن كوپتەپ جەتكىزۋدە ءبىرقاتار شارالار قابىنداندى.
ازىق-تۇلىك ونىمدەرىنە باعانى بەكىتۋ ماقساتىندا «Astana-اكك» ۇك» اق ارقىلى «كەڭمارت» سو جانە «استىقجان» سو-نا 300 ملن تەڭگە كولەمىندە نەسيە بەرىلدى. ءقازىر بۇل نىساندار اعىمداعى جىلدىڭ سوڭىنا دەيىن تاۋاردىڭ 10 ساناتى بويىنشا ازىق-تۇلىكتىڭ 49 تۇرىنە باعانى بەكىتتى.
قابىلدانىپ وتىرعان بارلىق شارالار ازىق-تۇلىك ونىمىنە دەگەن سۇرانىستىڭ 30 پايىزدان 80 پايىزعا ارتۋىنا قاراماستان باعانىڭ وسپەۋىنە كومەكتەستى.
كولىك
EXPO-2017 حالىقارالىق كورمەسىن وتكىزۋ ءۇشىن جول-كولىك ينفراقۇرىلىمىن دايىنداۋ اياسىندا 23،4 شاقىرىمدىق 11 كوشە سالىنىپ، 17،6 شاقىرىمدىق جولعا جوندەۋ جۇمىستارى جۇرگىزىلدى. كورمە اۋماعىندا جىلۋمەن جانە ەلەكتر قۋاتىمەن قامتاماسىز ەتۋ ءۇشىن 50،2 شاقىرىمدىق جىلىتۋ جۇيەسى، 25 585 شاقىرىم ەلەكتر جەلىسى جانە ەلەكترمەن جابدىقتاۋدىڭ 3 نىسانى سالىندى، «جاڭا جول»قس قايتا قۇرىلدى. جاڭا تازالاۋ قۇرىلعىلارى مەن جاڭبىر كارىز جۇيەسىنىڭ قۇرىلعىلارى (كوللەكتورلارى) پايدالانۋعا بەرىلدى.
وعان قوسا قوعامدىق كولىكتىڭ قوزعالىس جۇيەسىن جاڭعىرتۋ بويىنشا ەلوردادا كورمە اياسىندا 7 قوسىمشا Shuttle Bus مارشرۋتتارى ىسكە قوسىلدى. ولار ەكسپو كورمەسىن قالانىڭ شەت جاقتا ورنالاسقان شالعايداعى اۋداندارىمەن بايلانىستىرادى. جوسپارلانىپ وتىرعان جولاۋشىلار اعىنىنا سايكەس، كۇنىنە 55 مىڭ جولاۋشى ەسەبىندە اۆتوبۋستاردىڭ سانى 142 قوعامدىق كولىكتى قۇرادى. استانا قالاسىنىڭ نەگىزگى 12 كوشەسىندە 37،55 شاقىرىمدىق Bus Lane ارنايى جولاعى ەنگىزىلدى.
قاۋىپسىزدىك
اعىمداعى جىلدىڭ 7 اي قورتىندىسى بويىنشا تىركەلگەن قىلمىس سانى 19،3%-عا تومەندەدى. جالپى بارلىق تۇرلەرى بويىنشا ازايۋ بايقالادى. قولدانىلعان شارالاردىڭ ارقاسىندا قىلمىستىڭ بارلىق ساناتى بويىنشا اشۋ دەڭگەيى جاقساردى.
بوس ۋاقىتتى ۇيىمداستىرۋ
استانا اكىمدىگى تاراپىنان ەحرو-2017 كورمەسىن وتكىزۋ كەزىندە ءارتۇرلى فورمات پەن جانرداعى 647 مادەني شارالاردى وتكىزۋ جوسپارلانعان. 10 ماۋسىمنان وسى ۋاقىتقا دەيىن 51 ءىرى جانە ماڭىزدى شارالار ءوتتى.
كاسىپكەرلىك
2017 جىلدىڭ ماۋسىم-شىلدە ايلارىنا ەلوردانىڭ مەيرامحانالارىنان، قوناق ۇيلەرىنەن، قوعامداق تاماقتانۋ ورىندارىنان سالىق ءتۇسىمى ارتقان جانە ول 462 ملن.تەڭگەگە جەتكەن، بۇل وتكەن جىلدىڭ وسى كەزەڭىمەن سالىستىرعاندا 1،2 ەسە نەمەسە 105 ملن. تەڭگەگە كوپ.
بۇعان قوسا، كاسىپكەرلىكتىڭ دامۋ كورسەتكىشتەرى دە وسكەن. 6 اي ىشىندە تىركەلگەن كاسىپكەرلىك سۋبەكتىلەرى 143 084 بىرلىكتى قۇرادى، بۇل 2016 جىلدىڭ وسى كەزەڭىمەن سالىستىرعاندا 10،4%-عا ارتىق. 2017 جىلدىڭ 1 شىلدەسىنە ارەكەت ەتۋشى شوب سۋبەكتىسىنىڭ سانى 96 242 بىرلىككە جەتتى.
مەديسينا
ساپالى مەديسينالىق قىزمەت كورسەتۋ بويىنشا جەدەل شتاب قۇرىلدى. كورمە اۋماعىندا 7 مەديسينالىق پۋنكتى مەن مەديسينالىق ورتالىق ورنالاسقان. قالا بويىنشا 7 قالالىق مەديسينالىق مەكەمە جانە 7 رەسپۋبليكالىق كلينيكا دايىندالعان. جاڭا ورتالىق جەدەل جاردەم ستانسياسى سالىندى.
جاس تۋريستەر
10 ماۋسىمنان 2 تامىز ارالىعىندا كورمەنى 12 095 ەلوردالىق وقۋشى اتا-انالارىمەن جانە 14 وبلىس پەن الماتىدان 45859 وقۋشى كەلىپ تاماشالادى. ولاردىڭ كەلۋ كەزەڭىندە – كۇتىپ الۋ، تۇراتىن جەرلەرىنە دەيىن جەتكىزۋ، كورمەگە دەيىن جەتكىزۋ، ەكسكۋرسيالار مەن كەرى قايتارۋ ارنايى بولىنگەن جايلى اۆتوبۋستارمەن، جول پوليسياسىنىڭ شىعارىپ سالۋىمەن ورتالىقتاندىرىلعان جەتكىزۋمەن قامتاماسىز ەتىلدى. ايماقتاردان كەلگەن وقۋشىلاردى تاماقتاندىرۋ جاتاقحانالارداعى ەكى اسحانادا جانە جاقىن ماڭداعى 4 مەكتەپتىڭ اسحاناسىندا قاراستىرىلعان.
ەرىكتىلەر
ۇلتتىق كومپانيانىڭ ەرىكتىلەرىنەن بولەك، كۇندەلىكتى 510 قالالىق ەرىكتىلەر جۇمىسى ۇيىمداستىرىلعان. كۇن سايىن ولار شارالاردى وتكىزۋگە جانە اۋەجايلار مەن ۆوكزالداردا كۇتىپ الۋ مىندەتتەرىن اتقاردى. بارلىعى شەتەل تىلدەرىن مەڭگەرگەن. قالالىق ەرىكتىلەر شتابى قۇرىلعان.
پىكىر قالدىرۋ