شىمكەنت قالاسىندا قىتايلىق كومپانيا باسشىلارى وزدەرىنىڭ قۇزىرەتتىلىكتەرىن اسىرا پايدالانىپ، قازاق قىزدارىن جۇڭگو ازاماتتارىنا تۇرمىسقا شىعۋعا ماجبۇرلەۋدە، دەپ حابارلايدى Qamshy.kz اقپارات اگەنتتىگى.

بۇل جايىندا الەۋمەتتىك جەلى قولدانۋشىسى ەرجان قالدىبايەۆ ءوزىنىڭ  Facebook جەلىسىندەگى جەكە پاراقشاسىندا بىرنەشە دالەلدى مىسال كەلتىرە وتىرىپ حابارلادى. 

«بۇگىن ءبىر تانىسىممەن اڭگىمە بارىسىندا سۇمدىق جاڭالىقتى ەستىدىم. شىمكەنتتەگى مۇناي ءوندىرۋ زاۋىتىنىڭ (ءموز) باسشىلارى جۇڭگو ازاماتتارى بولىپ تابىلادى. سولار وزدەرىنىڭ قولاستىندا جۇمىس ىستەيتىن قازاق قىزدارىنا ۇيلەنىپ جاتىر ەكەن. ءتىپتى، ولاردىڭ كەلىسىمىنسىز ماجبۇرلەپ جاتقان كورىنەدى.  

ناقتى دالەلىم بار: سوزاق اۋدانىنىڭ ءبىر بويجەتكەنى سول موز-دە جۇمىس ىستەيدى. سول قىز جاقىن ارادا قىتايدىڭ ءبىر ەر ادامىنا تۇرمىسقا شىعايىن دەپ جاتىر ەكەن. توي كۇنىن دە بەلگىلەپ قويىپتى. ال قىتايلىق كۇيەۋ جىگىت العىس رەتىندە قىزدىڭ اكەسىن، ياعني ءوزىنىڭ بولاشاق قايىن اتاسىن سول كومپانياعا جۇمىسقا تۇرعىزىپتى.  بۇل جاعدايلار ەشبىر ۋ-شۋسىز ورىن الۋدا.

تاعى ءبىر جاعدايدى ايتار بولساق، ءبىر كۇنى تۇنگى ساعات ۇشتە شىمكەنتتەگى مۇناي ءوندىرۋ زاۋىتىنا 25 اۆتوبۋسپەن قىتايلىق جۇمىسكەرلەردى الىپ كەلىپتى. ولاردىڭ جالپى سانى 1300 جۇڭگو. نەگە تۇنگى 3-تە؟..» - دەپ جازادى الەۋمەتتىك جەلى قولدانۋشىسى. 

سونىمەن قاتار، ەلىمىزدىڭ بولاشاعىنا الاڭداۋشىلىق بىلدىرگەن ەرجان قالدىبايەۆ: «قازاقستان ۇكىمەتىنەن ۇلكەن ءۇمىت كۇتەمىز. وسىنداي جايتتاردى ءبىلىپ وتىرعانىمىز ارتىق بولمايدى، ويتكەنى قىتايلار ءۇشىن جەردى قالاي بولعاندا دا لاتەنتتى ەكسپانسيا ارقىلى يەلەنۋ كەرەك ەكەنىن ۇمىتپايىق. سانالى اقىلعا سالىپ بىرگە ويلانايىق»، - دەپ ءوز ويىن تۇيىندەيدى. 

ءيا، راسىمەن دە جەرىمىزدى قارا جۇڭگو قاپتاسا نە بولماق؟ بۇل قازىرگى تاڭدا ءاربىر ادامدى ويلاندىرىپ، تولعاندىرىپ جۇرگەن ساۋال بولىپ تابىلادى.