بۇگىن ءبىلىم گرانتتارى يەگەرلەرىنىڭ ءتىزىمى جاريا ەتىلدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى بيبىگۇل اسىلوۆا ءمالىم ەتتى، دەپ حابارلايدى Qamshy.kz اقپارات اگەنتتىگى.

ءبىلىم گرانتتارى يەگەرلەرىنىڭ ءتىزىمى مىنا سىلتەمەدە.

«سوڭعى 5 جىل ىشىندە العاش رەت جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا ارنالعان مەملەكەتتىك ءبىلىم بەرۋ تاپسىرىسىنىڭ كولەمى ءوستى. وتكەن وقۋ جىلىمەن سالىستىرعاندا باكالاۆريات 6 230 ورىنعا كوبەيدى. وسىلايشا 2017-2018 وقۋ جىلىنا ءبىلىم گرانتتارىنىڭ سانى 37 932 گرانتقا دەيىن ءوستى»، –  دەدى ۆيسە-مينيستر.

ونىڭ ىشىندە، 35 082 گرانت 1 كۋرسقا قابىلداۋ ءۇشىن (كۇندىزگى وقۋ نىسانى بويىنشا –  34 782، سىرتتاي وقۋ نىسانى بويىنشا – 300 گرانت)، 2 850 ورىن –  جوعارى وقۋ ورىندارىنىڭ دايىندىق بولىمدەرى ءۇشىن ءبولىندى.

بۇل رەتتە مەملەكەتتىك ءبىلىم بەرۋ تاپسىرىسىن ورنالاستىرۋعا جىبەرىلگەن جوعارى وقۋ ورىندارىنىڭ ءتىزىمى كەڭەيتىلگەن. ءبىلىم گرانتىن تاعايىنداۋ كونكۋرسىنا 63 169 ادام قاتىستى. ونىڭ ىشىندە 49 858 ادام –  قازاق تىلىندەگى وقۋ بولىمىنە، 13 311 ادام –  ورىس تىلىندەگى وقۋ بولىمىنە تاپسىرعان.

«بۇگىن مينيسترلىكتىڭ جانە ۇلتتىق تەستىلەۋ ورتالىعىنىڭ رەسمي سايتىندا ءبىلىم گرانتتارى يەگەرلەرىنىڭ ءتىزىمى جاريا ەتىلەدى. سونىمەن قاتار 14 تامىزدا رەسپۋبليكالىق «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالاناتىن بولادى»، –  دەدى ب.اسىلوۆا.