ورتالىق كوممۋنيكاسيالار قىزمەتىندە استانا قالاسى ءبىلىم بەرۋ مەكەمەلەرىنىڭ جاڭا وقۋ جىلىنا دايارلىعىنا ارنالعان باسپا ءسوز كونفەرەنسياسى ءوتتى دەپ حابارلايدى Qamshy.kz اقپارات اگەنتتىگى. وعان استانا قالاسى ءبىلىم باسقارماسى باسشىسىنىڭ مىندەتىن اتقارۋشى انۋار جانگوزين، استانا قالاسى ءبىلىم باسقارماسى  باسشىسىنىڭ ورىنباسارى گۋلجان ايتجانوۆا جانە استانا قالاسى ءبىلىم باسقارماسى، كامەلەتكە تولماعانداردىڭ  قۇقىقتارىن قورعاۋ ءبولىمىنىڭ باسشىسى  ءلاززات ورىنباساروۆا قاتىستى.

بۇگىنگى تاڭدا استانا قالاسىنىڭ ءبىلىم بەرۋ جۇيەسى 422 مەكەمەنى قامتيدى:

- مەكتەپكە دەيىنگى تاربيە مەن وقىتۋ – 264؛

- جالپى ورتا ءبىلىم بەرۋ  – 95، نازاربايەۆ زياتكەرلىك مەكتەپتەرى (3 مەكتەپ)، رەسپۋبليكالىق فيزيكا-ماتەماتيكا مەكتەبى؛

- تەحنيكالىق جانە كاسىپتىك ءبىلىم بەرۋ – 34؛

- ارنايى ءبىلىم بەرۋ – 13

- قوسىمشا ءبىلىم بەرۋ - 12.

 قازىرگى تاڭدا قالادا 264 مەكتەپكە دەيىنگى مەكەمە قىزمەت اتقارادى. سونىڭ ىشىندە – 97 مەملەكەتتىك، 2 ۆەدومستۆولىق، 116 جەكەمەنشىك بالاباقشالار جانە 49 شاعىن ورتالىق.

قالا بويىنشا 3-6 جاس ارالىعىنداعى بالالاردى مەكتەپكە دەيىنگى دايىندىقپەن 70،6 پايىزعا قامتاماسىز ەتىلۋدە. بۇل بىلتىرعى كورسەتكىشتەرگە قاراعاندا 5،7% ارتىپ وتىر. اتالمىش كورسەتكىشتەر وتكەن جىلى جاڭادان سالىنعان 440 ورىندى قامتيتىن 2 بالاباقشانىڭ، ۇلتتىق كومپانيامەن كەلىسىمشارت اياسىندا اشىلعان 240 ورىندى قامتيتىن 1 بالاباقشا جانە 3949 ورىندى قامتيتىن 44 جەكمەنشىك بالاباقشالاردىڭ اشىلۋىنىڭ ارقاسىندا ۇلعايىپ وتىر.

 استانا قالاسىنىڭ اكىمدىگىنىڭ قولداۋىمەن مەملەكەتتىك تاپسىرىس 15 900 تەڭگەدەن 23 000 تەڭگەگە كوبەيىپ، اتا-انالار تولەماقىسى 23 مىڭ تەڭگەدەن 20 مىڭ تەڭگەگە دەيىن ازايدى. ءوز كەزەگىندە بۇل كاسىپكەرلەر ءۇشىن جەكمەنشىك بالاباقشالار اشۋداعى قىزۋعىشىلىعىن ارتتى.

بيىل 480 ورىندى قامتيتىن 2 مەملەكەتتىك بالاباقشا، ۇلتتىق كومپانيالارمەن ورناتىلعان كەلىسىمشارت نەگىزىندە سالىنعان 720 ورىندىقامتيتىن  ءۇش بالاباقشانىنىڭ تاپسىرىلۋى جوسپارلانعان. قازىرگى تاڭدا مەملەكەتتىك-جەكەمەنشىك ارىپتەستىك شەگىندە 2019 جىلى تاپسىرىلاتىن 1680 ورىندى قامتيتىن 6 بالاباقشانىڭ قۇرىلىسى ىسكە اسىرىلۋدا.

            سونىمەن قاتار قالالىق كاسىپكەرلەر ءۇشىن جۇيەلى تۇردە اشىق ەسىك كۇندەرى ۇيىمداستىرىلادى. 2017 جىلى 5 مىڭنان استام ورىندى قامتيتىن مەملەكەتتىك تاپسىرىسى بار جەكەمەنشىك بالاباقشالاردىڭ اشىلۋى جوسپارلانىپ وتىر. جىل سايىن شامامەن 8 000 ورىندى قامتيتىن بالاباقشالاردى اشۋ كوزدەلەدى. وسىلايشا 2019 جىلدىڭ سوڭىنا دەيىن بالالاردى مەكتەپكە دەيىنگى دايىندىقپەن 100 پايىزعا قامتاماسىز ەتۋ جوسپارى جۇزەگە اسىرىلماق.

            ەلوردامىزدا بۇگىنگى تاڭدا 95 جالپى ورتا ءبىلىم بەرەتىن مەكتەپتەر بار. ونىڭ 84ء-ى مەملەكەتتىك بولسا، 11 جەكەمەنشىك بولىپ سانالادى.

            جاڭا 2017-2018 وقۋ جىلىندا ءبىرىنشى سىنىپقا كەلەتىن بالالار سانى 23 مىڭ ادامدى قۇرايدى. ءوز كەزەگىندە بۇل بولجام بويىنشا وقۋ ورىندارىنىڭ تاپشىلىعىن كوزدەيدى.

بۇل ماسەلەسى شەشۋ ماقساتىندا 2017-2018 وقۋ جىلىنىڭ باسىنا قاراي قالالىق 5 مەكتەپكە قوسىمشا قۇرىلىس جانامالارى سالىنىپ وتىر. قازىرگى ۋاقىتتا 10 مەكتەپتىڭ قۇرىلىسى جوسپارلانعان. ونىڭ التاۋى بۇگىنگى تاڭدا ىسكە اسىرىلىپ، قالعان تورتەۋىنىڭ قۇرىلىسى جىلدىڭ اياعىنا دەيىن باستالماق.

            وتكەن وقۋ جىلىندا وقۋ ءۇردىسىن ۇيىمداستىرۋ بارىسىندا قالالىق مەكتەپتەردىڭ بارلىق ءبىرىنشى سىنىپتارى (19132 وقۋشى، 683 سىنىپ) جاڭارتىلعان ءبىلىم بەرۋ مازمۇنىنا كوشتى.

2017-2018 وقى جىلىندا 1،2،5،7 سىنىپتار جاڭارتىلعان باعدارلاما بويىنشا وقيدى، وندا 4149 ءمۇعالىم ساباق بەرەتىن بولادى. ولاردىڭ 3122  (75%) ءمۇعالىمى كۋرستاردان ءوتتى. 2017 جىلدىڭ سوڭىنا دەيىن جاڭارتىلعان باعدارلاما بويىنشا 156 باستاۋىش سىنىپ ءمۇعالىمى جانە 787 ءپان مۇعالىمدەرى بىلىكتىلىكتى ارتتىرۋ كۋرستارىنان وتەدى. 

مەكتەپتەردە جاراتىلىستانۋ-ماتەماتيكالىق پاندەردى اعىلشىن تىلىندە بەرۋ كوزدەلگەن (99 ءمۇعالىم ساباق بەرەدى)، سونىمەن قاتار 25 مەكتەپتە كوپتىلدىلىك وقىتۋ تەحنولوگياسى ءساتتى ەنگىزىلىپ وتىر (قازاق، ورىس جانە اعىلشىن تىلىندە ساباق بەرۋ). 19 مەكتەپتە 2 شەتەلدىك تىلدە ساباق بەرۋ جۇزەگە اسىپ وتىر.

وقۋشىلاردى ساپالى وقۋلىقتارمەن تولىعىمەن قامتاماسىز ەتۋ تاپسىرماسى جۇزەگە اسىرىلىپ وتىر. وقۋشىلار اراسىندا اعىلشىن ءتىلى داعدىلارىن دامىتۋ ماقساتىندا مەكتەپ كىتاپحانالارى العاش رەت قوسىمشا ادەبيەتپەن قامتاماسىز ەتىلەدى.

مەكتەپتەردىڭ بارلىعى 100 پايىز ينتەرنەت جەلىسىنە قوسىلعان. بيىل 46 مەكتەپتە روبوتوتەحنيكا كابينەتتەرى اشىلاتىن بولادى.

قازىرگى تاڭدا 34 كوللەدجدە (12-مەملەكەتتىك، 22 - جەكەمەنشىك) 66 ماماندىق پەن 113 كۆاليفيكاسيا بويىنشا ءبىلىم بەرۋ كوزدەلگەن. استانا قالاسى بويىنشا تەزنيكالىق جانە كاسىپتىك بىلىممەن 26 262 ادام قامتاماسىز ەتىلۋدە. بۇل 15-20 جاس ارالىعىنداعى جاستار.

2017 جىلدان باستاپ «بارشاعا ارنالعان تەگىن كاسىپتىك تەحنيكالىق ءبىلىم بەرۋ» جوباسى اياسىندا 4757 ادام قامتاماسىز ەتىلەدى. 18 كوللەدجدە ءبىلىم باسقارماسى، كاسىپكەرلەر پالاتاسى مەن جۇمىس بەرۋشىلەر اراسىنداعى كەلىسىمشارت شەگىندە دۋالدى وقىتۋ مەن جۇمىس ورىندارىندا تاجىريبە الۋ قاراستىرىلعان. جاڭا وقۋ جىلىندا تاعى توعىز كوللەدج نەگىزىندە ەنگىزۋ جوسپاردا بار. 1000-نان استام ستۋدەنت دۋالدى وقىتۋمەن قامتاماسىز ەتىلگەن.

ءبىلىم مەكەمەلەرىندە اشىقتىق ساياساتىن ورناتۋ ماقساتىندا مەكتەپتەردە قامقورشىلىق كەڭەستەر قۇرىلدى. قالالىق اتا-انالار مەن قالالىق مۇعالىمدەر قاۋىمداستىعىنىڭ كەڭەستەرى ءوز جۇمىسىن باستايدى.

ءساۋىر ايىندا استانا قالاسىندا ورتا ءبىلىم بەرۋ ۇيىمدارىنداعى مىندەتتى مەكتەپ فورماسىنا قويىلاتىن ءبىرىڭعاي تالاپتارى ەنگىزىلدى. فورما ءتۇسى - قويۋ كوك، كلاسسيكالىق ۇلگىدە. ءبىر ءتۇستى مەكتەپ فورماسىنا كەزەڭ-كەزەڭىمەن كوشۋ جوسپارلانىپ وتىر.

سوڭعى ءۇش جىل اياسىندا 14 عيماراتتىڭ كۇردەلى جوندەۋ جۇمىسى جاسالدى. قالعان مەكەمەلەردە اعىمداعى ماسەلەلردى شەشۋ ماقساتىندا رەمونتتىق جۇمىستار جۇرگىزىلدى. تامىز ايىنىڭ 20 جۇلدىزىنا دەيىن بارلىق مەكەمەلەر جىلىتۋ ماۋسىمىنا دايار بولادى.