بۇگىن ورتالىق كوممۋنيكاسيالار قىزمەتىندە ق ر ءبىلىم جانە عىلىم ۆيسە-مينيسترى بيبىگۇل اسىلوۆانىڭ قاتىسۋىمەن باسپا ءسوز كونفەرەنسياسىندا وقۋ گرانتتارىنىڭ يەگەرلەرى بەلگىلى بولدى. وتكەن وقۋ جىلىمەن سالىستىرعاندا باكالاۆريات 6230 ورىنعا كوبەيگەن.  2017-2018 وقۋ جىلىنا 37 932 ءبىلىم گرانتى بەرىلگەن دەپ حابارلايدى Qamshy.kz اقپارات اگەنتتىگى.   

ونىڭ ىشىندە، 35 082 گرانت 1 كۋرسقا قابىلداۋ ءۇشىن (كۇندىزگى وقۋ نىسانى بويىنشا – 34 782، سىرتتاي وقۋ نىسانى بويىنشا – 300 گرانت)، 2850 ورىن – جوعارى وقۋ ورىندارىنىڭ دايىندىق بولىمدەرى ءۇشىن ءبولىندى. كوميسسيانىڭ قۇرامىنا مەملەكەتتىك ورگانداردىڭ، «اتامەكەن» قازاقستان رەسپۋبليكاسى ۇلتتىق كاسىپكەرلەر پالاتاسىنىڭ، جوعارى وقۋ ورىندارى قاۋىمداستىعىنىڭ، قىزمەتكەرلەردىڭ كاسىپتىك وداعىنىڭ وكىلدەرى جانە جوعارى وقۋ ورىندارىنىڭ رەكتورلارى ەنگىزىلدى،- دەدى ۆيسە-مينيستر.   

ءبىلىم گرانتىن تاعايىنداۋ كونكۋرسىنا 63 169 تالاپكەر قاتىسقان. ونىڭ ىشىندە 49 858 ادام  – قازاق تىلىندەگى وقۋ بولىمىنە، 13 311 ادام – ورىس تىلىندەگى وقۋ بولىمىنە تاپسىرعان.

«ماڭگىلىك ەل جاستارى – يندۋسترياعا!» جوباسى شەڭبەرىندە كۆوتا بويىنشا وقۋعا 9 148 ادام كونكۋرسقا قاتىستى.