اعىمداعى جىلى 9-10 قىركۇيەكتە تۇركيا پرەزيدەنتى رەجەپ تايىپ ەردوعان قازاقستانعا رەسمي ساپارمەن كەلەدى. ال استاناداعى ەكسپو-2017 حالىقارالىق كورمەسىنىڭ جابىلۋ سالتاناتى 10 قىركۇيەك كۇنى وتەدى، دەپ xابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى. «اعىمداعى جىلى 9-10 قىركۇيەك كۇندەرى تۇركيا باسشىسى قازاقستانعا كەلەدى. ءبىز ءۇشىن اتالعان ساپاردىڭ ماڭىزى زور. وسى ساپاردان سوڭ قازاقستان مەن تۇركيا اراسىنداعى قارىم-قاتىناستىڭ جاڭا ءداۋىرى باستالادى دەپ سەنەمىن»، - دەدى تۇركيانىڭ ەكونوميكا ءمينيسترى نيxات زەيبەكدجي بۇگىن قازاقستان-تۇركيا بيزنەس فورۋمىندا.

ايتا كەتەيىك، بۇعان دەيىن اقوردانىڭ باسپا ءسوز قىزمەتى ق ر پرەزيدەنتى نۇرسۇلتان نازاربايەۆتىڭ تۇركيا باسشىسى رەدجەپ تايىپ ەردوعانمەن تەلەفون ارقىلى سويلەسكەنى جايىندا xابارلاعان بولاتىن. «تۇركيا پرەزيدەنتى قازاقستانعا رەسمي ساپارمەن بارىپ، اعىمداعى جىلى استانادا وتەتىن يسلام ىنتىماقتاستىق ۇيىمىنىڭ عىلىم مەن تەxنولوگيالار جونىندەگى سامميتىنە قاتىسۋعا نيەت ءبىلدىردى»، - دەلىنگەن رەسمي xابارلامادا. اتالعان سامميت 10-11 قىركۇيەك كۇندەرى وتەدى.