2017 جىلعى 11 تامىزدا ساعات 11:00-دە قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ باستاماسى بويىنشا وتكىزىلگەن «Method PRO» جوباسى بويىنشا ەكى اپتالىق ءىت-تاعىلىمدامانىڭ قورىتىندىسى جاسالادى دەپ حابارلايدى Qamshy.kz اقپارات اگەنتتىگى.

«Method PRO» جوباسى –  قازاقستاننىڭ ءىت-يندۋسترياسىن دامىتۋعا باعىتتالعان ەلىمىزدىڭ دارىندى جاستارىنا ارنالعان ارنايى كاسىبي ءبىلىم بەرۋ پلاتفورماسى.

جوبانى ىسكە اسىرۋ بارىسىندا 100 دارىندى ستۋدەنتكە ارنالعان وتاندىق جانە شەتەلدىك مامانداردىڭ ءموبيلدى جانە ۆەب-ازىرلەمەلەرى، ماشينالىق وقىتۋ جانە ۆig Data، ماركەتينگ جانە بيزنەس-تالداۋدى قولدانۋ جونىندە سەمينارلار وتكىزدى. جوبانى ىسكە اسىرۋ بارىسىندا وعان قاتىسۋشىلار ەلوردانىڭ ءىرى كومپانيالارى جانە كاسىپورىندارىندا تاعىلىمدامادان ءوتتى، ونىڭ ناتيجەسىندە قاتىسۋشىلار «قازپوشتا»، «كازاتومپروم»، باس پروكۋراتۋرا جانە ت.ب. ءۇشىن شەشىم-جوبالارىن ازىرلەدى.

ەرتەڭ نازاربايەۆ ورتالىعىنىڭ الاڭىندا جوعارىدا اتالعان كومپانيالاردىڭ ءىت-باعدارلامالارى جانە بيزنەس-ۇسىنىستارىن ەنگىزۋ جونىندەگى جۇمىستارى كورسەتىلەدى.

«قازپوشتا» اق ءۇشىن ۇسىنىلاتىن جوبا – جاساندى ينتەلەكتىگە نەگىزدەلگەن جانە پايدالانۋشىلارعا قىزمەت كورسەتۋ ساپاسىن جاقسارتۋعا مۇمكىندىك بەرەتىن جۇيە.

«كازاتومپروم» اق ءۇشىن ۇسىنىلاتىن جوبا – كەن ورىندارىنان ۋراندى وندىرگەن كەزدە كەنىشتەردى سيفرلاۋعا مۇمكىندىك بەرەتىن سيفرلىق كەنىش جۇيەسى.

باس پروكۋراتۋراعا ارنالعان جوبا – «بەلسەندى ازامات» ءموبيلدى قوسىمشاسى. قىلمىستىڭ مونيتورينگىسىن جۇرگىزۋگە، ونلاين رەجيمىندە شاعىم جانە ءوتىنىش جاساۋعا مۇمكىندىك بەرەتىن جۇيە.

تۇساۋكەسەرگە ق ر تۇڭعىش پرەزيدەنتى - ەلباسى قورىنىڭ اتقارۋشى ديرەكتورى قانات جۇمابايەۆ، اقش-تىڭ قر-داعى ەلشىسى دجوردج كرول، جوبانى بىرلەسىپ ۇيىمداستىرۋشى داگار داۆلەتوۆ، «زەردە» ۇلتتىق اقپاراتتىق كوممۋنيكاسيالىق حولدينگىسى باسقارماسىنىڭ ءتوراعاسى رۋسلان ەڭسەبايەۆ، «قازپوشتا»اق-ىنىڭ يننوۆاسيالار جانە اقپاراتتىق تەحنولوگيالار جونىندەگى باسقارۋشى ديرەكتورى ناريمان مۇقىشيەۆ.

ق ر تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇمابايەۆ: «قوردىڭ ۇيىمداستىرىپ وتىرعان جوبالارى –  ادامي كاپيتالعا دەگەن سالىم، ولار قازاقستان جاستارىنىڭ جەكە دارا، كاسىبي جانە رۋحاني دامۋىنا ىقپال ەتەدى. جاستارعا سالىنعان بۇگىنگى ينۆەستيسيالار مەملەكەتتىڭ پروگرەسىنە سالىنعان ينۆەستيسيالار بولىپ تابىلادى»، –  دەپ اتاپ ءوتتى.