يران ەلشىلىگى تاجىكستانداعى ازامات سوعىسى جىلدارىندا تەرروريزمدى قارجىلاندىرۋعا قاتىسى بار ەكەنىن جوققا شىعاردى دەپ حابارلايدى Qamshy.kz اقپارات اگەنتتىگى ريا نوۆوستي-گە سىلتەمە بەرىپ.

8،9 تامىز كۇندەرى تاجىكستاننىڭ بارلىق مەملەكەتتىك ارنالارىندا 45 مينۋتتىق دەرەكتى فيلم كورسەتىلگەن. وندا فيلم اۆتورلارى يراندى تاجىكستانداعى ازامات سوعىسى بولعان  (1992-1997 جىلدارى) ۋاقىتتا  تەرروريزمدى قارجىلاندىردى دەپ ايىپتاعان. ءتاجىستاننىڭ تانىمال ساياساتكەرلەرى مەن جۋرناليستەرى، عالىمدارىنىڭ ءولىمى  تەگەراننىڭ قولداۋىمەن قارجىلاندىرا وتىرىپ ىسكە اسىرىلعاندىعى ايتىلعان.

يراننىڭ ديپلوماتيالىق وكىلدىلىگى مالىمدەمەسىندە: «يرانعا قاتىستى بارلىق ايىپتاۋلار وتە كۇماندى. فيلمدە جازاعا تارتىلعانداردىڭ سوزدەرى مەن ومىردە جوق ادامداردىڭ اتىنان ايتىلعان ايىپتاۋلار كوپ، سوندىقتان مۇنداي جالا جابۋ شىندىققا ۇيلەسپەيدى» دەپ جازىلدى.

ەلشىلىك بۇل ءفيلمنىڭ اۆتورلارى  ەكى ەل اراسىنداعى دوستىق قارىم-قاتىناستىڭ  بۇزىلۋىنا سەپتىگىن تيگىزە المايتىنىن مالىمدەدى. «سوڭعى جاعدايلارعا سايكەس  تاجىكستان ەنەرگەتيكا جانە سۋ رەسۋرسى ءمينيسترىنىڭ تەگەرانعا ساپارى اياسىندا قول جەتكىزىلگەن كەلىسسوزدەر ارقاسىندا مۇنداي مازمۇنداعى فيلمدەر مەن   اۆتورلاردىڭ  ءوز ماقساتتارىنا جەتپەيتىندەرى انىق» دەلىندى مالىمدەمەدە.