2017 جىلدىڭ 17 تامىزىندا، ساعات 19:00-دە «حان شاتىر» ويىن-ساۋىق ورتالىعىندا «STEPPE FIGHTERS» اتتى كيكبوكسينگتەن ءتورتىنشى رەيتينگىلىك كاسىپقوي جەكپە-جەككە بايلانىستى سالماق ولشەۋ ءراسىمى وتەدى. بۇل شاراعا قازاقستاننان باسقا، وزبەكستان، ۋكراينا جانە يران ەلدەرىنەن كەلگەن سپورتشىلار قاتىسپاق. سالماق ولشەۋ كەشىندە استانا قالاسىنىڭ تۇرعىندارى مەن قالا قوناقتارى تەمىرلان يحسانعالييەۆ، ارحات مىڭبايەۆ، ءجۇسىپ ءسابيت، شىڭعىس قايرانوۆ، داۋرەن ەرمەكوۆ، (قازاقستان)، سورروكو ماكسيم (حاركوۆ، ۋكراينا)، مازيار ياري (يران)، حالييەۆ بەرداح (قاراقالپاقستان، وزبەكستان)، حۋجايەۆ شۋكۋر (وزبەكستان)، ارتەم شوكولو (حاركوۆ، ۋكراينا) سياقتى سپورتشىلارمەن تانىسىپ،  ولاردىڭ دايىندىق بارىسىن تاماشالايتىن بولادى.

ال، 18 تامىز كۇنى ساعات 19:00-دە «قازاقستان» سپورت كەشەنىندە ءتورتىنشى رەيتينگىلىك كاسىپقوي جەكپە-جەكتەرى وتەدى. 

ايتا كەتسەك، جىل سوڭىنا دەيىن سپورتشىلاردىڭ اراسىنان ءوزارا مىقتىنى انىقتاپ، فينالدان وتكەن ەڭ مىقتى سپورتشىعا «STEPPE FIGHTERS» بەلبەۋى بەرىلەدى.  بۇل جەكپە-جەكتىڭ باستى ماقساتى – قازىرگى كۇننىڭ قازاق  باتىرلارى مەن قازاقستاندى الەمگە تانىتۋ. 

«STEPPE FIGHTERS» (ۇلى دالا قاھارماندارى) جەكپە-جەگىنىڭ باس اقپارتتىق دەمەۋشىسى «قازاقستان» رترك» اق-نىڭ قۇرامىنداعى «Kazsport» تەلەارناسى.