شقو-دا سەرجانت-تەحنيك ءتۇننىڭ ورتاسىندا شەكارا بەكەتىندە بولماي شىقتى. ونى ارىپتەسىمەن بەكەتتەن ءۇش شاقىرىم قاشىقتىقتا قىزمەتتىك كولىكتە ۇيىقتاپ جاتقان جەرىنەن تاۋىپ العان دەپ حابارلايدى Qamshy.kz اقپارات اگەنتتىگى YK-news.kz-كە سىلتەمە جاساپ.
ءتۇننىڭ ورتاسىندا 37 جاستاعى تەحنيك گاراجدا ارىپتەسىمەن ىشىمدىك ىشكەن. ءبىر بوتەلكەنى تاۋىسقاننان كەيىن تەحنيك ماس كۇيىندە ۋاز كولىگىن جۇرگىزگەن. بەكەتتەن ءۇش شاقىرىم ءجۇرىپ وتكەننەن كەيىن ىشىمدىكتى ءىشۋدى جالعاستىرعان.
تاڭعى ءۇش جارىمدا شەكارا بەكەتىنىڭ كومانديرى اسكەري قىزمەتكەرلەردىڭ ورنىندا جوق ەكەنىن بايقاعان. ونىڭ بۇيرىعىمەن ىزدەستىرۋ جۇمىستارى باستالدى. اسكەريلەردى تاڭەرتەڭ كولىكتە ۇيىقتاپ جاتقان جەرىنەن تاۋىپ العان.
سوت تەحنيكتى كولىكتى ماس كۇيىندە جۇرگىزگەنى ءۇشىن ءبىر جىلعا باس بوستاندىعىنان ايىرىپ، 25 اەك ايىپپۇل سالدى. ال ونىڭ دوسىنا قاتىستى قانداي شارا قولدانىلعانى ءالى بەلگىسىز.
پىكىر قالدىرۋ