ق ر پرەمەر-مينيسترىنىڭ ءبىرىنشى ورىنباسارى اسقار مامين «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىن ىسكە اسىرۋمەن تانىسۋ ءۇشىن جۇمىس ساپارىمەن اقتوبە وبلىسىنا باردى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.

وڭىرگە كەلگەن پرەمەر-مينيستردىڭ ءبىرىنشى ورىنباسارىنا اقتوبەدەگى اۋەجايدىڭ ۇشىپ-قونۋ جولاعىنىڭ بۇرىلىس جوباسى تانىستىرىلدى. ءوز كەزەگىندە وبلىس اكىمى بەردىبەك ساپاربايەۆ ءبىرىنشى ۆيسە-مينيستردى اقتوبەدەگى مەملەكەتتىك-جەكەمەنشىك ارىپتەستىك جوبالارىمەن تانىستىردى.

اتاپ ايتقاندا، ا.مامين تەك حوككەيشىلەردى عانا ەمەس، مانەرلەپ سىرعاناۋ مەن شورت-ترەك بويىنشا بولاشاق چەمپيونداردى دا دايىندايتىن «وليمپ» حوككەي مودۋلىندە بولدى. ايتا كەتۋ كەرەك، بۇل تاۋەلسىزدىك جىلدارىندا سالىنعان قىسقى سپورت ءتۇرىن دامىتاتىن العاشقى سپورت عيماراتى. جۋىردا قۇنى 1،5 ملرد. تەڭگە بولاتىن جاستار سارايى ءوز جۇمىسىن باستاماق. جوبا «سنپس-اقتوبەمۇنايگاز» اق-نىڭ الەۋمەتتىك جاۋاپكەرشىلىگى اياسىندا جۇزەگە اسىرىلۋدا.

بۇدان وزگە، ءبىرىنشى ۆيسە-پرەمەر جاڭا وقۋ جىلىندا اۋىلدان كەلگەن دارىندى بالالارعا ارناپ ينتەرنات اشاتىن «سىمبات» جەكەمەنشىك مەكتەبىن، سونىمەن قاتار قازاقستاندا بالاماسى جوق جەتىم بالالارعا ارنالعان قۇنى 1،6 ملرد. تەڭگە بولاتىن «مەيىرىم» الەۋمەتتىك ءۇيىن قاراپ شىقتى.

سونداي-اق، ا. ءماميننىڭ نازارىنا قۇرىلىسى مەن زاماناۋي قۇرال-جابدىقتارمەن جاراقتانۋىنا 3،2 ملرد. تەڭگە ينۆەستيسيالانعان «كوز جارىعى» وفتولمولوگيالىق ورتالىعى ۇسىنىلدى. 

ءوڭىر ءۇشىن ماڭىزدى بولىپ تابىلاتىن نىساندار سالىنىپ جاتقان قۇرىلىس الاڭدارىن ارالاۋ كەزىندە وبلىس اكىمى بەردىبەك ساپاربايەۆ اتالمىش نىسانداردىڭ جۇزەگە اسىرىلۋى ەڭ الدىمەن، وبلىس بيۋدجەتىنە تۇسەتىن سالماقتى ازايتۋعا، قوسىمشا جۇمىس ورىندارىن قۇرۋعا، مەكتەپكە دەيىنگى بىلىممەن قامتۋدى، سونىمەن قاتار مەديسينالىق قىزمەت كورسەتۋ ساپاسىن ارتتىرۋعا ايتارلىقتاي مۇمكىندىك بەرەتىنىن اتاپ ءوتتى.

بۇدان وزگە، ءبىرىنشى ۆيسە-پرەمەر قايتا قالپىنا كەلتىرىلىپ جاتقان «اقتوبە-ورسك» اۆتوكولىك جولىن قاراپ شىعىپ، ءبىرقاتار ءىرى كاسىپورىنداردىڭ قىزمەتىمەن تانىستى.

سونىمەن، قۋاتتىلىعى جىلىنا 50 مىڭ توننا بولاتىن «قازاقستان مۇناي جابدىقتارى زاۋىتى» ج ش س مۇناي-گاز جابدىقتارى مەن قۇبىرلارىن شىعارۋمەن اينالىسادى. جوبانىڭ جالپى قۇنى 5 ملرد. تەڭگەنى قۇرايدى.

ەلباسىنىڭ حالىقتىڭ ءومىر ءسۇرۋ دەڭگەيى مەن ساپاسىن ارتتىرۋ تاپسىرماسىن ورىنداۋ ماقساتىندا وڭىردە اۋىلدىق ەلدى مەكەندەردى گازداندىرۋ شارالارى جۇرگىزىلۋدە. وسىعان بايلانىستى اقتوبەدە گاز تاراتۋدى ەداۋىر ارتتىرۋعا مۇمكىندىك بەرەتىن «اگرس 300» اۆتوماتتاندىرىلعان گاز تاراتۋ بەكەتى سالىندى. ايتا كەتۋ كەرەك، سوڭعى ەكى جىلدا اقتوبە وبلىسىنىڭ گازداندىرۋ دەڭگەيى 60%-دان 87%-عا دەيىن ارتتى.

بۇدان باسقا، ا. مامين ءوز قىزمەتىن «قازاگروقارجى» اق قولداۋىمەن ييدمب اياسىندا جۇزەگە اسىرىلىپ وتىرعان وڭىردەگى ءىرى جىلىجاي كەشەندەرىنىڭ ءبىرى «گرين حاۋس قازاقستان» سەرىكتەستىگىندە بولدى. جوبانى جۇزەگە اسىرۋ وبلىستىڭ جاڭا پىسكەن كوكونىستەرگە دەگەن قاجەتتىلىگىن تولىقتاي قامتاماسىز ەتۋگە، سونىمەن قاتار ارتىق ءونىمدى رەسەيگە ەكسپورتتاۋعا مۇمكىندىك بەردى.

جىلىجايدا اسقار مامينگە ازىق-تۇلىك قاۋىپسىزدىگىن قامتاماسىز ەتۋ، ءوڭىرارالىق كووپەراسيا مەن سۋارمالى ەگىنشىلىكتى دامىتۋ بويىنشا وڭىردە قولدانىلىپ جاتقان شارالار تۋرالى باياندالدى.

«اقتوبە رەلس-ارقالىق زاۋىتى» جشس-دە اسقار ءماميندى ءوندىرىستىڭ قىزدىرۋ پەشىنەن باستاپ دايىن ءونىمدى شىعارۋعا دەيىنگى تەحنولوگيالىق پروسەسىمەن تانىستىردى. ەسكە سالايىق، جوبا قازاقستاننىڭ يندۋستريالدى-يننوۆاسيالىق دامۋى اياسىندا جۇزەگە اسىرىلعان.

كاسىپورىن ەەاس اۋماعىنداعى «ر-65» ستاندارتتى ۇزىن ولشەمدى (120 م) ىستىققا بەيىمدەلگەن تەمىرجول رەلستەرىنىڭ جالعىز ءوندىرۋشىسى بولىپ تابىلادى. جالپى زاۋىت تولىق جوبالىق قۋاتتىلىققا شىققان سوڭ 2018 جىلى جىلىنا 430 مىڭ توننا پروكات، سونىڭ ىشىندە جوعارى جىلدامدىقتاعى ماگيسترالدار ءۇشىن 200 مىڭ توننا ستاندارتتى ۇزىن ولشەمدى ىستىققا بەيىمدەلگەن رەلس، قۇرىلىس سەكتورى ءۇشىن 230 مىڭ توننا فاسوندىق ءونىم شىعاراتىن بولادى.