اقش پەن سولتۇستىك كورەيا اراسىنداعى اسكەري-ديپلوماتيالىق قاقتىعىستاردىڭ ءورشۋى سالدارىنان قور بيرجاسىنىڭ ءۇش كۇننەن بەرى تومەندەۋى بايقالادى دەپ جازادى Qamshy.kz اقپارات اگەنتتىگى. بەيسەنبى كۇنى Dow Jones Industrial Average جەتەكشى يندەكسى سوڭعى ءۇش ايدا ەڭ ۇلكەن توقىراۋعا ۇشىرادى.
اقش پرەزيدەنتى ترامپتىڭ پحەنيانعا قاتىستى سوڭعى مالىمدەمەسى نارىق قاتىسۋشىلارىنىڭ ۇرەيىن تۋعىزدى. ەگەر پحەنيان امەريكا مەن ەلدىڭ وداقتاستارىنا شابۋىل جاساۋدى جوسپارلاسا، دونالد ترامپ جاعدايدىڭ ۋشىعۋى مۇمكىن ەكەنىن، سولتۇستىك كورەيانىڭ ۇلكەن كەلەڭسىزدىككە ۇشىرايتىنىن ەسكەرتكەن.
ونىڭ ۇستىنە بەيسەنبىدە Brent ماركاسىنداعى مۇناي باعاسى ءبىر باررەل ءۇشىن 52،54 دوللارعا دەيىن تومەندەگەن.
ايتا كەتەيىك، پحەنيان تىنىق مۇحيتى جاعالاۋىنداعى گۋام ارالىندا ورنالاسقان امەريكالىق اسكەري بازاعا سوققى جاساۋ جوسپارى جايىندا حابارلاعان. جوسپار بويىنشا سوققى بەرۋ تامىزدىڭ ورتاسىنا جوسپارلانعان.
