ول ءۇشىن قىتايدا قاجەتتى تەتىكتىڭ بارلىعى بار دەپ حابارلايدى Qamshy.kz اقپارات اگەنتتىگى Global Times-قا سىلتەمە جاساپ.
فۋندان ۋنيۆەرسيتەتىنىڭ (شانحاي) ديرەكتورى چجەن سزيۋننىڭ ايتۋىنشا، ەكى ەل اراسىندا شيەلەنىس بولسا، كحدر زارداپ شەگەدى. سوندىقتان، كورەي تۇبەگىندەگى تۇراقتىلىقتى ساقتاۋ – ەڭ الدىمەن پحەنيان ءۇشىن ءتيىمدى ەكەنىن ايتتى.
ونىڭ بۇل پىكىرىمەن قحر-دىڭ اسكەري زىمىران سالاسىنىڭ بەلدى ساراپشىسى سۋن چجۋنپين دە كەلىستى.
"حۆاسون" زىمىرانىن دايىنداۋ ءۇشىن كوپ ۋاقىت كەرەك. سول مەرزىمدە اقش پەن ونىڭ وداقتاستارىنىڭ عارىشتىق سپۋتنيكتەرى وقتىقتاردى اڭدىپ، ونى جويىپ جىبەرەتىندەي جاعدايعا جەتەدى"، – دەدى سۋن چجۋنپين.
ايتا كەتەيىك، سەيسەنبى كۇنى اقش پرەزيدەنتى دونالد ترامپ جۋرناليستەرگە كحدر-دىڭ اقش-قا قوقان-لوقى كورسەتۋدىڭ قاجەتى جوق ەكەنىن ايتقان. ول ەسكەرتۋلەرگە الەم كورمەگەن وتپەن جانە اشۋمەن جاۋاپ بەرەتىنىن ايتقان. وسىدان كەيىن ستاك اگەنتتىگى سولتۇستىك كورەيا اقش-تىڭ گۋاماداعى بازاسىنا سوققى جاساي الاتىنىن ەسكەرتكەنى تۋرالى حابار تاراتتى.
