"اقش-تاعى پرەزيدەنت سايلاۋىنا رەسەيلىكتەر ارالاستى" دەپ اقپارات تاراتقان امەريكالىق ب ا ق ماسكەۋ مەن ۆاشينگتون قارىم-قاتىناسىنىڭ اراسىنا سىزات تۇسىرگەنى ءۇشىن جاۋاپتى دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساي وتىرىپ. بۇل جايىندا جەرگىلىكتى The Nation باسىلىمىندا ارنايى ماقالا جارىق كوردى.
ماقالا اۆتورىنىڭ ايتۋىنشا، ەكى ەل اراسىنداعى ارازدىققا بىردە-بىر جۋرناليست قارسىلىق بىلدىرمەگەن. سونىمەن قاتار، ماسكەۋگە قارسى بارلىعى ءبىراۋىزدان كەلىسىم بىلدىرگەن كونگرەسسمەندەر اراسىندا دا بۇل جاعدايعا قارسىلىق بىلدىرۋشىلەر تابىلماعان.
امەريكالىق باسىلىم بەتتەرىندە جارىق كورىپ جاتقان ەكى ەل اراسىنداعى جاڭا سوعىسقا بايلانىستى ماقالالاردا تەك رەسەي كىنالى دەپ بەرىلەدى. ولاردىڭ ماتەريالدارىندا اقش ساياساتىنىڭ وسال تۇستارى كورىنبەيدى. سول سەبەپتى دە رەسەي-اقش قارىم-قاتىناسىنىڭ بۇزىلۋىنا تىكەلەي ب ا ق وكىلدەرى كىنالى دەپ تابىلادى.
The Nation باسىلىمى اقش-تىڭ بۇقارالىق اقپارات قۇرالدارىنا ءتان ەرەكشەلىكتەردى اتاپ كورسەتەدى:
ماسكەۋ ءوز شەكاراسىنداعى ناتو كۇشتەرىنەن قورعانۋ ماقساتىندا ەلدەگى قاۋىپسىزدىكتى نىعايتسا، جۋرناليستەر مۇنى «قارۋلى قاقتىعىس» رەتىندە اتاپ كورسەتەدى.
باسپاسوزدە تەك ءبىر عانا كوزقاراس بار، ال ولارعا جان-جاقتى پىكىر ايتىپ، التەرناتيۆتى كوزقاراس تۋدىرۋ دەگەن مۇلدە جوق.
اقش-تا بۇقارالىق اقپارات قۇرالدارىن «رەسەيلىك فەيكتەردەن» تازارتۋ ءۇشىن قوماقتى قارجى بولىنەدى، ال شىندىعىندا، بۇل جەردە قاراپايىم سەنزۋرا تۋرالى ايتىلادى.
التەرناتيۆتى كوزقاراستىڭ جوقتىعى كوبىندە "اقش-تاعى پرەزيدەنت سايلاۋىنا رەسەيلىكتەر ارالاستى" دەگەن اقپارات توڭىرەگىندەگى جانجالدا بايقالادى جانە دە بۇل جاعداي ءالى كۇنگە دەيىن ماسكەۋ مەن ۆاشينگتون اراسىن ۋشىقتىرىپ، جاڭا سوعىس ءورتىنىڭ تۇتاندىرماق. سونىمەن قاتار، وسى جايتتىڭ سالدارىنان ترامپ سايلاۋعا تۇسەر الدىندا ەلگە بەرگەن ۋادەسىن تولىق ورىنداۋىنا مۇمكىندىك تۋماي وتىر. ول رەسەيمەن قارىم-قاتىناسىن تۇزەپ، سەرىكتەس ەلگە اينالامىز دەپ ايتقان بولاتىن.
«دۇرىس ويلاۋ ءۇشىن بارلاۋ ارداگەرلەرى» ۇيىمى زەرتتەۋ جۇمىستارىن جۇرگىزىپ، ناتيجەسىندە ەشقانداي دا «رەسەيلىك حاكەرلەر» دەموكراتيالىق پارتيانىڭ سەرۆەرىنە شابۋىل جاساماعان دەگەن بايلام جاساعان. شىن مانىندە، ول ءوز ىشتەرىندە ۇيىمداستىرىلىپ جاسالعان ىس-ارەكەت بولىپ تابىلادى. الايدا امەريكالىق ب ا ق بەتتەرىندە جاسالعان زەرتتەۋىڭ ناتيجەسى جايلى ەشبىر اقپارات شىقپاعان. كەرىسىنشە، بارلىعىنا كرەملدى كىنالاپ، ماسەلەنى جىلى جاۋىپ قويعان.
ترامپتىڭ ايتۋىنشا، رەسەي مەن اقش قارىم-قاتىناسى وتە تومەنگى دەڭگەيگە جەتىپ، ءقاۋىپتى نۇكتەسىنە كەلىپ تىرەلدى.
«رەسەيمەن ارا-قاتىناسىمىز وتە تومەن دەڭگەيدە جانە ءقاۋىپتى نۇكتەگە كەلىپ تىرەلدى. سول ءۇشىن كونگرەسكە العىس ايتۋلارىڭىزعا بولادى. ولار بىزگە، ءتىپتى، مەديسينالىق ساقتاندىرۋ دا الىپ بەرە المايدى»، – دەيدى اقش پرەزيدەنتى دونالد ترامپ.
