جۇڭگو بيلىگى اقش-تى ءوزىنىڭ تاۋەلسىزدىگىنە قول سۇقتى دەپ ايىپتادى دەپ حابارلايدى ريا نوۆوستي-گە سىلتەمە بەرىپ Qamshy.kz اقپارات اگەنتتىگى. امەريكاندىق ەسكادرالىق ميناتاسۋشى دجون س. ماككەين وڭتۇستىك-قىتاي تەڭىزىندەگى سپراتلي داۋلى ارالىنا جاقىنداعان.
قحر-دىڭ سىرتقى ىستەر مينيسترلىگى امەريكاندىق اسكەري كەمەنىڭ سپراتلي ارالى ماڭىنان وتكەنى تۋرالى بەيسەنبى كۇنى حابارلاعان. جۇڭگو ديپلوماتتارى امەريكاندىقتاردىڭ بۇل ءىستى جۇڭگو تاۋەلسىزدىگىنە دورەكى قول سۇعۋشىلىق دەپ باعالادى.
سونىمەن بىرگە قىتايدىڭ قورعانىس مينيسترلىگى امەريكاندىقتاردىڭ مۇنداي ارەكەتى ەكى جاقتىڭ ستراتەگيالىق سەنىمدىلىگىنە نۇقسان كەلتىرەتىنىن اتاپ ءوتتى.
ايتا كەتەيىك، وڭتۇستىك-قىتاي تەڭىزى – الەمدەگى شيەلەنىستى وشاقتاردىڭ ءبىرى. بۇل اۋماققا يەلىك ەتۋگە بىردەن 6 مەملەكەت تالاسادى: قحر، فيليپپين، مالايزيا، برۋنەي، ۆەتنام، تايۆان.
