سيريا راككا لاڭكەستەر كۇرد جاساعى قورشاۋ سيريانىڭ راككا قالاسىنداعى سودىرلار تولىقتاي قورشاۋدا قالدى دەپ حابارلايدى Qamshy.kz اقپارات اگەنتتىگى رەيتەرس-كە سىلتەمە بەرىپ.
ولاردى «سيريانىڭ دەموكراتيالىق كۇشتەرى» قىسىمعا العان. بۇل توپ وكىلدەرىنە اقش باسقاراتىن حالىقارالىق كواليسيا اۋەدەن قولداۋ كورسەتەدى. باسىم بولىگى كۇردتەردەن تۇراتىن جاساق جاۋىنگەرلەرىنىڭ ايتۋىنشا، بۇگىندە راككانىڭ ورتالىعىندا شامامەن 1700-گە جۋىق سودىر بار. شاھارعا كۇرد جاساعىمەن قاتار سيريا اسكەرى دە شابۋىل جاسادى. بيلىكتىڭ نەگىزگى ماقساتى – سوڭعى بىرنەشە جىل بويى لاڭكەستەردىڭ باقىلاۋىندا بولعان دەير-ەز زوردى ازات ەتۋ.
ايتا كەتەيىك، راككا قالاسىنداعى لاڭكەستەرگە قارسى وپەراسيا شىلدەنىڭ التىسىندا باستالدى.
