مەملەكەت باسشىسىنىڭ «ۇلت جوسپارى – قازاقستاندىق ارمانعا باستايتىن جول» ماقالاسى جارىق كورگەننەن سوڭ 2016 جىلدىڭ 1 قاڭتارىنان «5 ينستيتۋتتىق رەفورمانى جۇزەگە اسىرۋ بويىنشا 100 ناقتى قادام» – ۇلت جوسپارىن ورىنداۋدىڭ پراكتيكالىق كەزەڭى باستالدى. ەلباسى ماقالاسىندا "ءبىز تاۋەلسىزدىكتىڭ 25ء-شى جىلدىعىنا جاڭا قازاقستاندىق ارمانمەن اياق باستىق، ونىڭ باستى ماقساتى جۇزەگە اسىرىلىپ جاتقان «2050» ستراتەگياسىمەن بارا-بار. ءححى عاسىردىڭ ورتاسىنا قاراي ءبىز قازاقستاننىڭ الەمدەگى اسا دامىعان 30 مەملەكەتتىڭ قاتارىنا قوسىلۋىنا قول جەتكىزۋدى جوسپارلاپ وتىرمىز." دەپ اتاپ وتىلگەن بولاتىن. قازاقستاننىڭ الەۋەتى حالىقارالىق ارەنادا تانىلىپ جاتىر.

قازاقستان جايلى شەتەلدىك ب ا ق وكىلدەرى نە جازادى؟ وسى ماسەلەنى ەسكەرگەن Forbes.kz پورتالى شەتەلدىك ءباسپاسوزدى ءبىر شولىپ شىقتى. اتالمىش پورتال جيناقتاعان قازاقستان جايلى ءسوز قوزعاعان شەتەلدىك اقپارات اگەنتتىكتەرىنىڭ شولۋلارىن Qamhsy.kz اقپارات اگەنتتىگى وقىرمان نازارىنا ۇسىنادى.

شەتەلدىك باق-تىڭ كوبىنە قازاقستاننىڭ ەكونوميكاسىنا باسا نازار اۋدارعانى بايقالدى.

NG.RU: «پەنتاگون قازاقستاندا انتيرەسەيلىك شەكارا جەلىسىن جاسايدى» – قازاقستاندا ناتو  جانە تمد ەلدەرىنىڭ قاتىسۋىمەن الماتى وبلىسىنداعى ىلە جاتتىعۋ پوليگونىندا «دالا قىرانى – 2017» حالىقارالىق بىتىمگەرشىلىك وقۋ جاتتىعۋى اياقتالدى. اتالمىش شارا ەلدە 2003 جىلدان بەرى ءوتىپ كەلەدى. وقۋ جاتتىعۋىنىڭ ماڭىزى – وندا رەسەيلىك اسكەري قىزمەتكەرلەر قاتىسادى. ال قازاقستاندىق سولداتتار مەن وفيسەرلەردىڭ دايىندىعى مەن وقۋ جاتتىعۋى «قازبات» بىتىمگەرشىلىك باتالونى اياسىندا سولتۇستىك اتلانتيكالىق ستاندارتتارى نەگىزىندە وتەدى.

INOZPRESS.KG: «قازاقستاندىق جۇزدەن اسا تۇتقىن رديكاليزمنەن باس تارتتى» – مامانداردىڭ پىكىرىنشە، تۇتقىندار مەن راديكاليزمدى جاقتاۋشىلاردى قايتا وڭالتۋ وپەراسياسى ءساتتى ءوتتى.

REGNUM.RU: «قازاقستان: جارقىن بولاشاق ءۇشىن ەلدە ەلەكتروەنەرگيا جەتە مە؟» – قازاقستاندا بىرنەشە جىلدان بەرى يمپورت، نارىق، بەنزين، گازويل سالالارى بويىنشا قيىندىقتار تۋىنداپ كەلەدى.

«ساناتتارعا بولگەن: قازاقستاندىق ەمدەلۋشىلەر جەدەل-جاردەمدى كۇتپەي مە؟» – قازاقستاندا جەدەل-جاردەمدى شاقىرۋ 4 ساناتقا ءبولىندى».

RUSSIAN.PEOPLE.COM.CN: «جۇڭگو قازاقستانمەن يادرولىق ەنەرگەتيكا سالاسى بويىنشا ىنتىماقتاستىقتى نىعايتۋدى كوزدەيدى» – جۇڭگو قازاقستانمەن ىنتىماقتاستىق ورناتۋ بارىسىندا سەرىكتەستىكتىڭ يادرولىق ەنەرگيانىڭ بارلىق وندىرىسىنە قاتىستى بولعانىن كوزدەيدى.

RUSSIAN.NEWS.CN: «جۇڭگو مەن قازاقستان قۇنى $60 ملن. بولاتىن اۋىل شارۋاشىلىق تۋرالى كەلىسىمگە قول قويدى» – 9 تامىز كۇنى «قازاقستان مەن جۇڭگو ساۋدا-ەكونوميكالىق ىنتىماقتاستىعى» بيزنەس-فورۋمى قۇنى قۇنى $60 ملن. بولاتىن كەلىسىمگە قول قويدى.

KOMMERSANT.RU: «ءباا، يراك، قازاقستان جانە مالايزيا مۇناي ەكسپورتتاۋشى ەلدەر ۇيىمىنىڭ شارتتارىن جۇزەگە اسىرۋعا دايىن ەكەندەرىن مالىمدەدى» – بىرىككەن اراب امىرلىكتەرى، يراك، قازاقستان جانە مالايزيا تەحنيكالىق وپەك+ كوميتەتىنە مۇناي ءوندىرۋ سالاسىن قىسقارتۋ تۋراسىنداعى شارتتاردى ورىنداۋعا دايىن ەكەندەرىن جەتكىزدى. اتالمىش مەملەكەتتەر «تەحنيكالىق كوميتەتپەن ىنتىماقتاستىق ورناتۋعا تولىققاندى دايىن»، – دەلىنگەن وپەك مالىمدەمەسىندە.

GEZITTER.ORG: «جاڭا انتيرەسەيلىك سانكسيالار: قازاقستاندا دوللاردىڭ باعاسى كوتەرىلدى» –رەسەيگە قارسى ەنگىزىلگەن جاڭا سانكسيالار ەەو مەملەكەتتەرى اراسىندا الاڭداۋىشىلىق تۋدىردى. قازاقستان پرەزيدەنتى نۇرسۇلتان نازاربايەۆ ءمالىم ەتكەندەي، انتيرەسەيلىك سانكسيالار قازاقستان ەكونوميكاسىنا تەرىس اسەرىن تيگىزۋى مۇمكىن. سول سەبەپتى ەلدىڭ پرەمەر-مينيسترى باقىتجان ساعىنتايەۆقا ەكونوميكانى نىعايتۋ ءۇشىن ءبىرقاتار تاپسىرمالار بەردى.

IA-CENTR.RU: «داريا چيجكوۆا. قازاقستان – 2017. ەكونوميكا ءوپتيميستتى بولۋى كەرەك» – قازاقستان ساياساتىندا پرەزيدەنت پەن ۇكىمەت باسشىسىنىڭ «جەكە» كەزدەسۋى ءوتتى. باسشىلار اراسىنداعى اڭگىمە جەڭىل ءارى ءپوزيتيۆتى تۇردە ءوتتى.

BELTA.BY: «بەلارۋسيا مەن قازاقستانعا يننوۆاسيالىق جوبالاردى بىرلەسىپ زەرتتەۋ كەرەك – نيچكاسوۆ» – بەلارۋسيانىڭ قازاقستانداعى توتەنشە جانە وكىلەتتى ەلشىسى اناتوليي نيچكاسوۆ استانادا وتكەن باسپا ءسوز كونفەرەنسياسىندا بەلارۋسيا مەن قازاقستانعا بىرلەسىپ يننوۆاسيالىق جوبالاردى دامىتۋى ءتيىس ەكەنىن ايتتى.