استانادا ابيتۋريەنتتەردىڭ اتا-انالارى مەن تۋىستارى ءبىلىم جانە عىلىم مينيسترلىگى عيماراتىنىڭ الدىنا جينالدى. ولار مەملەكەتتىك ءبىلىم گرانتتارىنىڭ بولىنۋىنە كوڭىلدەرى تولمايتىندارىن ايتتى، دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
جينالعانداردىڭ سوزدەرىنە قاراعاندا، كەيبىر ماماندىقتار بويىنشا از ۇپاي جيناعان ابيتۋريەنتتەر جوعارى وقۋ ورىندارىنىڭ گرانتتارىنا يە بولعان، ال ولاردان كوپ ۇپاي جيناعاندار وقۋعا تۇسە الماي قالعان.
بيىل ۇلتتىق ءبىرىڭعاي تەستىلەۋگە 88 مىڭ مەكتەپ ءبىتىرۋشى قاتىسسا، سولاردىڭ 14 مىڭعا جۋىعى 50 ۇپايلىق مەجەدەن وتە المادى. تەستىلەۋ ناتيجەسى بويىنشا، رەسپۋبليكادا ورتاشا كورسەتكىش 80،5 ۇپاي بولدى.
مينيسترلىك وكىلدەرى بۇل جاعدايعا كەيىنىرەك تۇسىنىكتەمە بەرۋگە ۋادە بەردى. ءبىراق ابيتۋريەنتتەر مەن اتا-انالار مينيسترلىكتىڭ رەسمي وكىلىنىڭ جاۋابىن ەستىمەي كەتپەيمىز دەپ وتىر.
