بۇگىن ق ر اۋىل شارۋاشىلىعى مينيسترلىگىندە ۆەتەريناريالىق باقىلاۋ جانە قاداعالاۋ كوميتەتى جانە اوك مەملەكەتتىك ينسپەكسيا كوميتەتى وكىلدەرىنىڭ قاتىسۋىمەن بريفينگ ءوتتى دەپ حابارلايدى Qamshy.kz اقپارات اگەنتتىگى اشم سايتىنا سىلتەمە جاساپ.

ەلباسى تاپسىرمالارىن ورىنداۋ اياسىندا ونىمدەردى ەكسپورتتاۋ كولەمىن ۇلعايتۋ بويىنشا كەشەندىك شارالار جۇزەگە اسىرىلۋدا، بۇل وتاندىق ونىمدەردى الەۋەتتىك وتكىزۋ نارىعىنا جىلجىتۋعا قولداۋ كورسەتۋگە باعىتتالعان (يران، قحر، باە، ساۋد ارابياسى، يزرايل جانە ت.ب.).

وسى ماقساتتار ءۇشىن «KazakhExport» ەكسپورتتىق ساقتاندىرۋ كومپانياسى» اق جانە «KAZNEX INVEST» اق ەكسپورت جانە ينۆەستيسيالار بويىنشا ۇلتتىق اگەنتتىگى» اق، سونداي-اق شەت ەلدەردەگى ق ر ديپلوماتيالىق وكىلدىكتەرىمەن ءوزارا تىعىز ارەكەتتەسۋ كەزىندە «پرودكورپوراسيا» ۇك» اق اوك ەكسپورتتىق ورتالىعى رولىندە شىعىپ وتىر.

ورتالىقتىڭ تاپسىرماسى بولاشاعى بار وتكىزەتىن ەلدەر ءۇشىن سىرتقى نارىقتاردىڭ تالداۋىن جۇزەگە اسىرۋ جانە ونىمدەردى جىلجىتۋدىڭ جول كارتاسىن قۇرۋ بولىپ تابىلادى، ونىمدەردى ەكسپورتتاۋ بويىنشا كونسۋلتاسيالىق قىزمەت كورسەتۋ، ونىڭ ىشىندە كەلىسىمشارتتاردى سۇيەمەلدەۋ، ءاشتو ونىمدەرىن فورۆاردتىق ساتىپ الۋ جانە ءىرى ەكسپورتتىق پارتيالاردى قۇرۋ، اۋىل شارۋاشىلىعى ونىمدەرىنىڭ سىرتقى نارىعىندا تالاپ ەتۋ ءۇشىن وتكىزۋدىڭ ەكسپورتتىق ارنالارىن قۇرۋ، ساقتاندىرۋدى تاپسىرۋ جانە ءاشتو ەكسپورتتىق كەلىسىمشارتتارىن كەپىلدەندىرۋ، شاتىرلى برەندتەردى جىلجىتۋ، «KZ ORGANIC FOOD» قوسقاندا.

اتاپ ايتۋ قاجەت، مينيسترلىكپەن ۆەتەريناريالىق تالاپتاردى كەلىسىمدەۋ جاعىنا سىرتقا نارىقتاردى اشۋ بويىنشا جۇمىس جۇرگىزىلۋدە.

مىسالى، وسى جىلى مامىر ايىندا پەكيندە «ءبىر بەلبەۋ، ءبىر جول» فورۋمى اياسىندا قازاقستاننان قىتايعا ەكسپورتتالاتىن بالعا قويىلاتىن ۆەتەريناريالىق تالاپتار حاتتاماسىنا قول قويىلدى.

سونداي-اق قحر ءتوراعاسى سي ءسزينپيننىڭ استانا قالاسىنا ارنايى كەلۋى اياسىندا قازاقستاننان قىتايعا مۇزداتىلعان قوي ەتىن ەكسپورتاۋعا تالاپتار حاتتاماسىنا قول قويىلدى.

بۇل حاتتاما ۇساق مالدى سوياتىن، قوي ەتىن وندىرەتىن، ونى ساقتايتىن، قوراپتايتىن، تاڭبالايتىن جانە ساتاتىن كاسىپورىندارىمەن مۇزداتىلعان قوي ەتىنە قويىلاتىن ۆەتەريناريالىق-سانيتارلىق تالاپتاردىڭ ورىندالۋىنا باعىتتالعان. حاتتاماعا قول قويۋ – بۇل، قازاقستاندىق مال شارۋاشىلىعى ونىمدەرىن قحر نارىعىنا قول جەتكىزۋ بويىنشا 2-3 جىل بويى جاسالعان ۇلكەن جۇمىستىڭ ناتيجەسى.

انىقتاما: بۇگىنگى كۇنى قازاقستان رەسپۋبليكاسىنان قحر-نا بالىق جانە بالىق ونىمدەرى، جىلقى تۇقىمداس جانۋارلاردىڭ ەكسپورتى بولۋى مۇمكىن. بۇل ءۇشىن جۇڭگو تاراپى جاعىنان ۆەتەريناريالىق سەرتيفيكاتتاردىڭ ۇلگىلەرى كەلىسىلگەن بولاتىن.

قحر ستاندارتتارىنا سايكەس مال شارۋاشىلىعى ونىمدەرىن تاماق قاۋىپسىزدىگىنە تەكسەرۋ بويىنشا قازاقستاندىق شەكارا ماڭىنداعى ۆەتەريناريالىق زەرتحانالاردى اككرەديتاسيالاۋ بويىنشا شارالار اياسىندا قازاقستاننان قىتايعا مال شارۋاشىلىعى ونىمدەرىن ەكسپورتتىق جەتكىزۋ ماقساتىندا قازاقستان تاراپى باستاماسىمەن 2017 جىلعى 9 تامىزدا «حورگوس» شەكارالىق ىنتىماقتاستىق حالىقارالىق ورتالىعى اكىمشىلىگىنىڭ كومەگىمەن ورتالىقتىڭ اۋماعىندا (الماتى وبلىسى) ق ر اشم ۆەتەريناريالىق باقىلاۋ جانە قاداعالاۋ كوميتەتىنىڭ ماماندارىمەن سۋار پروۆينسياسى بويىنشا قحر ساپا، ينسپەكسيا جانە كارانتيندى قاداعالاۋ باس باسقارماسىنىڭ عىلىم جانە تەحنيكا دەپارتامەنتىنىڭ وكىلدەرىنىڭ كەزدەسۋى بولىپ ءوتتى.
كەزدەسۋ بارىسىندا زەرتحانالىق باقىلاۋ سالاسىنداعى ىنتىماقتاستىق سۇراقتارى تالقىلاندى، جەكەلەي العاندا زەرتحانالىق تەكسەرىستەردى وتكىزۋ كەزىندە زەرتتەۋلەر ناتيجەلەرىن ءوزارا مويىنداۋ ءۇشىن ستاندارتتار مەن باقىلاۋ ادىستەرىن ۇيلەسىمدەندىرۋ بويىنشا كوڭىل ءبولىندى.

بۇل كەزدەسۋ ۆەتەريناريالىق باقىلاۋ سالاسىندا بىرىككەن قازاقستان-قىتاي قاتىناستارىنىڭ ودان ءارى دامۋىنا اسەرىن تيگىزدى.

بۇدان باسقا، بۇگىنگى كۇنى يران تاراپى جاعىنان قازاقستاننان يرانعا ءتىرى قويدى، سۋىتىلعان جانە مۇزداتىلعان قوي ەتىن جەتكىزۋگە ۆەتەريناريالىق تالاپتار كەلىسىلگەن.

قازىرگى ۋاقىتتا قر-نان يرانعا مۇزداتىلعان قوي ەتىن ەكسپورتتاۋعا ۆەتەريناريالىق سەرتيفيكاتتىڭ جوباسىن كەلىسىمدەۋ بويىنشا جۇمىس جۇرگىزىلۋدە.

قازاقستاندىق قوي ەتى جانە ءتىرى قوي ءۇشىن يراندىق نارىقتىڭ اشىلۋى قيىر شىعىس ەلدەرىنە (باە، ساۋد ارابياسى، كۋۆەيت، كاتار جانە ت.ب.) ەكسپورتتىق الەۋەتتى كەڭەيتۋگە مۇمكىندىك بەرەدى.

بريفينگ بارىسىندا وسىعان ۇقساس جۇمىستار باە، ساۋد ارابياسى، يزرايلدىڭ ءتيىستى ورگاندارىمەن جۇرگىزىلىپ جاتقانى جونىندە اتاپ ايتتى.

سونىمەن قاتار، «تاماق ونىمدەرىنىڭ قاۋىپسىزدىگى» كەدەن وداعىنىڭ تەحنيكالىق رەگلامەنتىنە وزگەرىستەر ەنگىزۋ تۋرالى ايتىپ ءوتتى.