ەلباسىنىڭ 2017 جىلعى جولداۋىندا "مەنىڭ تاپسىرمام بويىنشا بيىل «نۇرلى جەر» تۇرعىن ءۇي باعدارلاماسى ىسكە اسىرىلا باستايدى. ول اسا ماڭىزدى مىندەتتى ورىنداۋعا – الداعى 15 جىلدا 1،5 ميلليون وتباسىن تۇرعىن ۇيمەن قامتاماسىز ەتۋگە باعىتتالعان."، - دەپ «نۇرلى جەر» تۇرعىن ءۇي باعدارلاماسىنا اسا ءمان بەرگەن.
بۇگىن الماتىدا قۇرىلىسشى كۇنىنە ارنالعان سالتاناتتى شارا ءوتتى دەپ حابارلايدى Qamshy.kz اقپارات اگەنتتىگى.
قالا اكىمدىگى باسپا ءسوز قىزمەتىنىڭ مالىمەتىنە سۇيەنسەك، الماتى اكىمى باۋىرجان بايبەك ءوزىنىڭ قۇتتىقتاۋ سوزىندە قالانىڭ ءىوو قۇرىلىس سەكتورىنىڭ ۇلەسى 262 ملرد. تەڭگەنى قۇراعانىن اتاپ ءوتتى. تەك وتكەن جىلدىڭ وزىندە عانا 1،9 ملن. شارشى مەتردەن استام تۇرعىن ءۇي پايدالانۋعا بەرىلدى، 2015 جىلمەن سالىستىرعاندا 35%-عا كوپ.
«قۇرىلىسشى ماماندىعى بارلىق كەزەڭدە ۇلكەن ابىروي مەن قۇرمەتكە يە. سىزدەر تەك قانا ءۇي، ينفراقۇرىلىم نىساندارىن سالۋمەن شەكتەلمەيسىزدەر. قالالارعا ارحيتەكتۋرالىق كەلبەت بەرەتىن دە، ەكونوميكانى دامىتاتىن دا – سىزدەر. قۇرىلىسشىلاردىڭ ارقاسىندا ءومىر ساپالىق جاعىنان وڭ سيپاتقا يە بولىپ، ازاماتتاردىڭ تۇرمىس جاعدايلارى جاقسارادى. وزدەرىڭىز بىلەسىزدەر، ەلباسىنىڭ تاپسىرماسى بويىنشا بيىلعى جىلدان باستاپ «نۇرلى جەر» تۇرعىن ءۇي باعدارلاماسىن جۇزەگە اسىرۋ باستالادى. ونىڭ باستى ماقساتى – تاياۋداعى 15 جىل ىشىندە 1،5 ميلليون وتباسىن تۇرعىن ۇيمەن قامتاماسىز ەتۋ. باعدارلاماعا تۇرعىن ءۇي نارىعىن قولداۋدىڭ كەشەندى شارالارى ەنگىزىلگەن. بۇل، ءسوز جوق، ەلىمىزدىڭ قۇرىلىس سالاسىن دامىتۋعا جاڭا سەرپىن بەرەدى. ءبىزدىڭ نەگىزگى مىندەتىمىز – الماتىلىقتاردىڭ تۇرعىن ءۇي ماسەلەسىن شەشۋ. «نۇرلى جەر» باعدارلاماسىن جۇزەگە اسىرۋ بارىسىندا 73 ءۇي سالىنۋدا، ونىڭ 24ء-ىنىڭ قۇرىلىسى بيىلعى جىلى اياقتالادى»، – دەدى ب.بايبەك.
قالا باسشىسى 2015 جىلدان باستاپ قۇرىلىس سالاسىنا قۇيىلعان ينۆەستيسيا كولەمىنىڭ 17%-عا ارتقانىن ايتتى. تەك بيىلعى جىلدىڭ ءبىرىنشى جارتىجىلدىعىندا قۇرىلىس سالاسىنا 235 ملرد. تەڭگە ينۆەستيسيا بولىنگەن.
بۇگىنگى كۇنى الماتىدا تۇرعىن ءۇي جانە ازاماتتىق باعىتتاعى 1140 وبەكتىنىڭ قۇرىلىسى ءجۇرىپ جاتىر، بۇلاردىڭ ىشىندە 762 قۇرىلىس جەكە ينۆەستيسيا ارقىلى، ال 378 نىسان بيۋدجەت ارقىلى قارجىلاندىرىلۋدا. مەملەكەتتىك باعدارلامالار اياسىندا 2016-2017 جىلدارى اكىمدىك تاراپىنان 1040 پاتەرلى 19 تۇرعىن ءۇي سالىندى. «قولجەتىمدى باسپانا – 2020» باعدارلاماسى بويىنشا بيىل «سايالى»، «جاس قانات» ىقشاماۋداندارىندا تاعى 17 تۇرعىن ءۇيدى ىسكە قوسۋ جوسپارلانعان. «ەسكى ۇيلەردى ءسۇرۋ» قالالىق باعدارلاماسى بويىنشا 3 جاڭا ءۇي سالىنىپ، ەسكى ۇيلەردىڭ تۇرعىندارى جاڭا قونىسقا كوشىرىلدى. بۇگىنگى كۇنى زاماناۋي ىقشاماۋدانعا اينالعان اتلەتتەر اۋىلىنان 1748 وتباسى پاتەر الدى. ناۋرىزباي اۋدانىندا سوڭعى جىلدارى قۇرىلىس كەڭ قانات جايۋدا.
بيىلعى جىلى ءبىلىم بەرۋ جۇيەسىنىڭ 42 نىسانىنىڭ قۇرىلىسىن سالۋ جانە سەيسميكالىق قۋاتىن نىعايتۋ قاراستىرىلعان. ونىڭ 29 وبەكتىسى بيىل ىسكە قوسىلادى. دەنساۋلىق ساقتاۋ سالاسىنىڭ 18 وبەكتىسى سالىنۋدا جانە جوندەلۋدە. جىل اياعىنا دەيىن 10 نىسان پايدالانۋعا بەرىلەدى.
قالا تۇرعىندارى مەن قوناقتارىنا بارىنشا قولايلى ءارى جايلى جاعداي جاساۋ جانە ەكولوگيانى جاقسارتۋ ءۇشىن جىبەك جولى، پانفيلوۆ، گوگول، قابانباي باتىر كوشەلەرى مەن «استانا» الاڭىندا اۋقىمدى اباتتاندىرۋ جۇمىستارى جۇزەگە اسىپ، قايتا جاڭعىرۋ جۇمىستارى جۇرۋدە. بۇل كوشەلەر جاياۋ جۇرگىنشىگە باسىمدىق بەرۋ ماقساتىندا قايتا جاسالۋدا، مۇندا دەمالۋعا قولايلى قوعامدىق كەڭىستىكتەر، جاياۋ جۇرگىنشى ايماقتارى، ۆەلوجولدار، جاسىل جەلەكتەر پايدا بولادى.
