اقش پرەزيدەنتى دونالد ترامپ 11 تامىز كۇنى كحدر-عا قاتىستى جاڭا سانكسيالاردى ەنگىزۋ ماسەلەلەرىن قاراستىرىپ جاتقاندىعىن جەتكىزگەن دەپ حابارلايدى لەنتا.رۋ-عا سىلتەمە جاساپ Qamshy.kz اقپارات اگەنتتىگى.
«ءبىز كحدر-عا قاتىستى قوسىمشا تاعى جاڭا سانكسيالار ەنگىزۋدى قاراستىرىپ جاتىرمىز. بۇل سانكسيالار وتە سالماقتى بولادى»،-دەدى ترامپ ءوزىنىڭ نيۋ-دجەرسيدەگى گولف-كلۋبىندا.
سونىمەن بىرگە، ول سولتۇستىك كورەيا ماسەلەسىنە قاتىستى كحر ءتوراعاسى سي سزينپينمەن تەلەفون ارقىلى سويلەسەتىنىن ايتتى. وسى ورايدا اقش پرەزيدەنتى كحدر-مەن ارادا ورناعان قاقتىعىستىڭ اسا ءقاۋىپتى ەكەنىن، الايدا ونى بەيبىت جولمەن شەشىلەتىنىنە ءۇمىتى بار ەكەنىن ءبىلدىردى.
