جامبىل وبلىسىنداعى پوليسەيلەردىڭ قاتىسۋىمەن توبەلەس ورىن العان. وقيعا بەينەلەنگەن ۆيدەو الەۋمەتتىك جەلىدە كەڭ تارالىپ كەتكەن دەپ حابارلايدى Qamshy.kz اقپارات اگەنتتىگى.  جۇما كۇنى "ۆكونتاكتە" جەلىسىندەگى "سەن ءۇشىن، باكە" قاۋىمداستىعىنىڭ پاراقشاسىندا اتالمىش ۆيدەو جاريالاندى. 

بۇدان بۇرىن قازاقستان ىشكى ىستەر مينيسترلىگىنىڭ باسپا ءسوز قىزمەتى حابارلاعانداي، 10 تامىز كۇنى تۇندە بىرىگىپ ىشىمدىك ىشكەن سوڭ بۇرىنعى پوليسيا قىزمەتكەرى جەتپىسبايەۆ م. ج.، جامبىل وبلىسى ىشكى ىستەر دەپارتامەنتى باسقارما باسشىلارى  ۇمبەتالييەۆ م. ي. جانە بەكتۇرعانوۆ ە. و. اراسىندا كيكىلجىڭ تۋىنداپ، ارتى توبەلەسكە اكەلىپ سوققان.

اتالعان دەرەك بويىنشا "قاستاندىق جاساۋ" بابىنا سايكەس سوتقا دەيىنگى تەرگەۋ باستالدى. مينيسترلىك اتاپ وتكەندەي، بەكتۇرعانوۆ ۋاقىتشا ۇستاۋ يزولياتورىنا قامالدى، ءقازىر ۇمبەتالييەۆتى ۇستاۋ بويىنشا شارالار قولدانىلىپ جاتىر.
سوڭعى مالىمەتتەر بويىنشا، ۇمبەتالييەۆتىڭ جۇبايى ونى قۇقىق قورعاۋ ورگاندارىنا ءوز ەركىمەن بەرىلۋىن سۇراپ وتىر.