باراك وباما ساياساتقا قايتا ورالۋى مۇمكىن، دەپ جازادى Qamshy.kz اقپارات اگەنتتىگ. بل تۋرالى جەرگىلىكتى The Hill باسىلىمى حابارلادى. باسىلىم تىلشىلەرىنىڭ مالىمەتىنە سۇيەنسەك، اقش-تىڭ ەكس-باسشىسى قۇراما شتاتتارداعى دەموكراتتاردىڭ ىقپالىن قايتا قالپىنا كەلتىرۋ ءۇشىن ەل ساياساتىنا سىرتتاي ارالاساتىن بولادى.

وبامانىڭ ورالۋى بارىنشا ۇقىپتىلىقپەن جۇزەگە اساتىن بولادى. تىلشىلەر اراسىندا تاراعان اقپاراتقا قاراعاندا، باراك وباما دونالد ترامپ پرەزيدەنت بولعالى بەدەلدەرىنەن ايىرىلعان دەموكراتتاردىڭ ىقپالىن قايتا ءوسىرۋدى ماقسات ەتەدى. جالپى، وباما پارتيالار اراسىنداعى قارجى جۇمىستارىمەن اينالىساتىن بولادى.

سونداي-اق، باسىلىمنىڭ حابارلاۋىنشا، دەموكراتتار وبامانى پارتيا باسىشىسى ەتۋدى كوزدەمەيتىن كورىنەدى. ساياسي كۇرەسكە ارالاسقانىمەن، ونىڭ اتقارعان ءىسى جۇرتشىلىقتىڭ نازارىنان تىس قالادى.

«پرەزيدەنت تاعىنان كەتسە دە، وبامانىڭ بەدەلى امەريكالىقتار ءۇشىن جوعارى بولىپ قالا بەرمەك. ءارى رەيتينگ كورسەتكىشى دونالد ترامپقا قاراعاندا جوعارى پايىزدى كورسەتتى»، - دەلىنگەن باسىلىم حابارلاماسىندا.

باراك وباما باسشىلىقتان كەتكەن سوڭ، وتباسىمەن فرانسيا جانە يتالييانى ارالۋعا شىققان. دەمالىس بارىسىندا ءوزىنىڭ ساياسي مانسابى تۋراسىندا ەستەلىكتەر جازۋعا كىرىسكەن.