اعىمداعى جىلى 28 تامىزدا اقمولا وبلىسىندا «ەQUUS» دەرەكتى تريلوگياسىنىنىڭ ءتۇسىرىلىمىن باستاۋ جوسپارلانىپ وتىر. وسىعان وراي، ق ر اقپارات جانە كوممۋنيكاسيالار ءمينيسترى داۋرەن ابايەۆ ءتۇسىرىلىم الاڭىنا ارنايى بارىپ قايتتى. اقپاراتتىق تۋرعا «قازاقستان» رترك اق باسقارما ءتوراعاسى ەلان قارين، سونداي-اق بۇقارالىق اقپارات قۇرالدارىنىڭ وكىلدەرى قاتىستى.
«اتالعان تۋىندى ارقىلى قازاقستان جەرى وركەنيەتتىڭ ورتالىعى بولعانىن الەمگە تانىتۋعا ۇلكەن مۇمكىندىك تۋىپ وتىر. الەم عالىمدارى جىلقى ەڭ العاش قولعا ۇيرەتىلگەن جەر قازىرگى قازاقستان تەرريتورياسى ەكەنى تۋرالى كوپتەگەن دالەلدەر كەلتىردى. ءفيلمنىڭ قازاقستان اۋماعىندا ءتۇسىرىلۋىنىڭ ەڭ باستى سەبەبى دە - وسى. وسى سەريالدىڭ ارقاسىندا جىلقىنى ەڭ العاش ءبىزدىڭ اتا-بابالارىمىزدىڭ قالاي ۇيرەتكەنىن كۇللى الەم تاماشالايتىن بولادى. بۇل قازاقستاننىڭ حالىقارالىق ارەناداعى ءيميدجىن ارتتىرىپ، تاريحى مەن مادەنيەتىنە قىزىعۋشىقتى كۇشەيتەدى»، - دەيدى داۋرەن اسكەربەك ۇلى.
ايتا كەتكەن ءجون، 2017 جىلى 7 ناۋرىزدا وتكەن باسپا ءسوز ماسليحاتىندا مينيستر داۋرەن ابايەۆ «قازاقستان» رترك» اق–سى مەن «Clearwater Documentary Inc.» كومپانياسىنىڭ «EQUUS» دەرەكتى تريلوگياسىن تۇسىرەتىنىن جاريالاعان بولاتىن. ەكى جاقتىم مەموراندۋمعا سايكەس، «قازاقستان» كورپوراسياسى «Equus» ءفيلمىن قازاقستان اۋماعىندا قازاق جانە ورىس تىلدەرىندە تاراتۋ قۇقىعىنا يە بولادى. سونداي-اق، حالىقارالىق اقپارات تاراتۋشى قىزمەتىن اتقارادى.
«EQUUS» تريلوگياسىندا جىلقى جانۋارىنىڭ ادامزات تاريحىنداعى ءرولى، سونداي-اق ورتالىق ازيا دالاسىنداعى جىلقى شارۋشىلىعىنىڭ قاشان جانە قالاي باستالعانى جايىندا باياندالاتىن بولادى. بارلىق ماتەريالدار عىلىمي زەرتتەۋلەرگە نەگىزدەلگەن.
تريلوگيانىڭ رەجيسسەرى – كانادالىق نايوبي تومپسون. پروديۋسەرى – قازاقستاندىق نۇربول بايمۇحانوۆ. ءتۇسىرۋ جۇمىستارىنا شەتەلدىڭ كاسىبي كينەماتوگرافتارى، ارت-ديزاينەرلەرى مەن دىبىس رەجيسسەرلەرى تارتىلادى. بۇدان بولەك، تىڭ جوبانى ىسكە اسىرۋعا قازاقستاننىڭ كاسىبي ماماندارى – رەكۆيزيتورلار، سۋرەتشىلەر، كاسكادەرلەر مەن كينوگەرلەر اتسالىسادى. نەگىزگى ماقسات – كوشپەلى حالىقتىڭ ەجەلگى تۇرمىس سالتىن قاز-قالپىندا كورسەتۋ. ول ءۇشىن كانادا مەن گەرمانيانىڭ ۇزدىك ءتۇسىرۋ توپتارى كەلەدى. فيلمدە تانىمال كومپوزيتور داررەن فانگتىڭ سيمفيونيالىق مۋزىكاسى قولدانىلادى.
دەرەكتى كينو-تريلوگياسىنىڭ رەسمي تيزەرى -
«EQUUS» تريلوگياسى «ادامزاتتىڭ ۇلى وديسسەيى» ءفيلمى سياقتى كەڭىنەن تانىلادى دەگەن سەنىم بار. ونى الەمنىڭ 50 ەلىندە كورسەتۋ جوسپارلانعان.
سقو-عى بوتاي مادەنيەتىنىڭ 2016 جىلدىڭ جاز ايىنداعى ءتۇسىرىلىم جۇمىستارىنىڭ سىلتەمەسى -
«ادامزاتتىڭ ۇلى وديسسەياسى» كينوتريلوگياسى -
