ەدينبۋرگ ۋنيۆەرسيتەتىنىڭ ءبىر توپ عالىمى انتاركتيدا مۇزدارىنىڭ استىنان 91 جانارتاۋ تاپتى. بۇل تۋرالى Qamshy.kz اقپارات اگەنتتىگى Guardian مالىمەتىنە سۇيەنىپ حابارلايدى. بۇل تىزبەك الەمدەگى ەڭ ءىرى جانارتاۋ بەلدىگىنە ۇمىتكەر. جانارتاۋدىڭ بيىكتىگى 100-دەن 3،85 مىڭ مەترگە دەيىن ماتەريكتىڭ باتىس شەتىندە ورنالاسقان. ولاردى ەكى شاقىرىمدىق مۇز قاباتى جاپقان.

بۇل جانارتاۋلاردى تابۋ ءۇشىن عالىمدار ەڭ الدىمەن قۇرلىقتىڭ مۇز استىنداعى جاسىرىن بەتىن زەرتتەگەن، كەيىن عارىشتان تۇسىرگەن سۋرەتتەردى سالىستىرا وتىرىپ، الىنعان مالىمەتتتەردى ءبىر جۇيەگە كەلتىرگەن. زەرتتەۋ ەكسپەديسياسىنىڭ مۇشەسى روبەرت بينگەمنىڭ ايتۋىنشا، روسسا مۇزدىقتارىنىڭ استىنداعى تەڭىز تۇبىندە جانارتاۋلاردىڭ الەمدەگى ەڭ بيىك شوعىرى ورنالاسقان بولۋى مۇمكىن.

ءقازىر ماماندار تابىلعان جانارتاۋلاردىڭ قانشالىقتى بەلسەندى ەكەنىن جانە اتقىلاۋ ءقاۋپىن انىقتاۋ ءۇشىن جۇمىستار جۇرگىزۋدە.