مەملەكەت باسشىسى حالىقارالىق «ەكسپو-2017» مامانداندىرىلعان كورمەسىنىڭ مادەني-دۋماندى جانە سپورتتىق ءىس-شارالارىنىڭ كەشەندى باعدارلاماسى اياسىندا يپپودرومدا ءوتىپ جاتقان جامبى اتۋدان «التىن جەبە» حالىقارالىق ءتۋرنيرىن تاماشالادى.
سونىمەن قاتار، قازاقستان پرەزيدەنتى يپپودروم اۋماعىندا ورنالاسقان «ەتنواۋىل» ۇلتتىق-مادەني كەشەنىن ارالاپ كوردى.
نۇرسۇلتان نازاربايەۆقا كەشەن قوناقتارى نازارىنا ۇسىنىلاتىن قازاق حالقىنىڭ ۇلتتىق تاعامدارىنىڭ تۇرلەرى، قولونەر بۇيىمدارى، سپورتتىق ويىندار مەن ءسالت-داستۇر ۇلگىلەرى كورسەتىلدى.
