شىلدە ايىنىڭ سوڭىندا برەكسيت بويىنشا لوندون مەن بريۋسسەل اراسىندا وتكەن كەلىسسوزدەردىڭ ءبىرىنشى اينالىمى ءساتسىز اياقتالدى، دەپ حابارلايدى Qamshy.kz اقپارات اگەنتتىگى newsforbreakfast.ru-عا سىلتەمە بەرىپ.

بۇل جايلى ۇلىبريتانيا پرەمەر-مينيسترى تەرەزا مەيدىڭ رەسمي وكىلى مالىمدەگەن. ۇلىبريتانيا ەۋروپالىق وداق الدىنداعى مىندەتتەمەلەرىن ورىنداعىسى كەلمەيتىنگە ۇقسايدى. «سيفرلارعا قاتىستى ايتارىمىز ءبىز ولارمەن كەلىسپەيمىز»، – دەدى تەرەزا مەيدىڭ رەسمي وكىلى.

 بۇعان دەيىن بريتانيالىق ۇكىمەتتەگى اقپارات كوزدەرىنە سۇيەنە وتىرىپ، تاراپتار ەۋرووداقپەن ەكونوميكالىق قارىم-قاتىناستى ءارى قاراي دامىتۋ بويىنشا ورتاق كەلىسىمگە كەلگەن جاعدايدا عانا ۇلىبريتانيا وتەماقى تولەۋگە دايىن دەپ ايتىلعان بولاتىن. ونىڭ ىشىنە ەركىن ساۋدا اينالىمى تۋرالى كەلىسىم دە كىرەدى. ۇلىبريتانيانىڭ كەيبىر ساياساتكەرلەرى: «ەۋرووداقتىڭ ورتاق نارىعىنان شىعۋ ارقىلى مەملەكەت ەكونوميكالىق قيىندىقتىقتارعا كەزىككەنىمەن جاڭا كوكجيەكتەرگە جول اشىلىپ، وزگە ەلدەرمەن ساۋدا-ەكونوميكالىق قارىم-قاتىناستار نىعايادى»، – دەيدى.