ءبىلىم ءمينيسترى ەرلان ساعادييەۆ سەنبى كۇنى قازاقستان رەسپۋبليكاسى ءبىلىم جانە عىلىم مينيسترلىگىندە تاڭەرتەڭنەن كەشكە دەيىن ابيتۋريەنتتەردىڭ اتا-انالارىن، ولاردىڭ تۋىستارىن ءبىلىم بەرۋ گرانتتارىنىڭ بولىنۋىنە بىلدىرگەن نارازىلىقتارىنا قاتىستى قابىلدادى.

قابىلداۋعا كەلگەندەر ولاردىڭ بالالارىنىڭ ۇبت-دان جۇزدەن اسا بالل جيناعانىنا قاراماستان گرانت الا الماعانىن باياندادى. ءبىلىم بەرۋ گرانتتارى كونكۋرسىنىڭ ناتيجەلەرى كونكۋرسقا قاتىسۋشىلاردىڭ بارلىعىنىڭ بىردەي ءۇمىتىن اقتاماعانى ايقىن، سەبەبى گرانتتاردىڭ سانى شەكتەۋلى بولدى، مەكتەپ بىتىرۋشىلەردىڭ تەك 30% عانا ءبىلىم بەرۋ گرانتىن الدى. بۇل ستۋدەنتتەردىڭ كوبىسىنىڭ اقىلى نەگىزدە ءبىلىم الاتىنىن بىلدىرەدى.

ەگەر قالىپتاسقان جاعدايعا بايلانىستى ءسىزدىڭ بالاڭىز گرانتقا تۇسە الماعان، ال تولەۋگە اقشا جەتىسپەگەن جاعدايدا نە ىستەۋ كەرەك؟

ستۋدەنتتەر مەن ابيتۋريەنتتەرگە وقۋعا اقى تولەۋگە قولداۋ كورسەتۋ ماقساتىندا ءبىلىم بەرۋ كرەديتتەرىن كەپىلدەندىرۋدىڭ مەملەكەتتىك باعدارلاماسى ەنگىزىلدى، ونىڭ شەڭبەرىندە ابيتۋريەنتتىڭ ءوزىنىڭ اتىنا ستۋدەنتتىك كرەديت رەسىمدەۋگە بولادى.

ستۋدەنتتىك كرەديتتىڭ ارتىقشىلىقتارى:

- جىلدىق 10% باستاپ؛

- 12 جىلعا دەيىن (ايىپپۇل سانكسياسىز مەرزىمىنەن بۇرىن وتەۋ)؛

- كەپىلسىز (ق ر ءبىلىم جانە عىلىم مينيسترلىگىنىڭ قارجى ورتالىعى كەپىلدىك قامتاماسىز ەتۋ كەپىلى بولىپ تابىلادى)؛

- كرەديتتى وتەۋدى كەيىنگە قالدىرۋ (وقۋ كەزەڭىندە جانە ونى اياقتاعاننان كەيىن 6 اي ستۋدەنت تەك كرەديت بويىنشا پايىزداردى عانا وتەيدى)؛

- كوللەدجدىڭ/جوعارى وقۋ ورنىنىڭ ابيتۋريەنتىنىڭ/ستۋدەنتىنىڭ وزىنە راسىمدەلەدى (وقۋدى اياقتاعاننان كەيىن وتەۋ مىندەتتەمەسى ابيتۋريەنتتىڭ/ستۋدەنتتىڭ وزىنە جۇكتەلەدى)؛

- قازاقستاننىڭ بارلىق قالالارىندا راسىمدەلەدى؛

- كرەديتتى قاجەتتىگىنە قاراي الۋ.

قارىز الۋشىعا قويىلاتىن تالاپ:

- ق ر ازاماتتىعى؛

- ۇلگەرىمى ۇبت/كت بويىنشا 50 بالدان تومەن ەمەس؛

- قوسا قارىز الۋشىنىڭ بولۋى (تابىسى جانە زەينەتاقىلىق اۋدارىمى بار جەكە تۇلعا) 

كرەديتتى الۋ قادامدارى:

- قۇجاتتار جيناۋ جانە ءسىزدىڭ قالاداعى بانككە بارۋ؛

- وڭ شەشىم قابىلدانعاننان كەيىن بانكىمەن شارتقا قول قوياسىز؛

- شارتقا قول قويعاننان كەيىن اقشا كوللەدجدىڭ/جوعارى وقۋ ورنىنىڭ شوتىنا اۋدارىلادى.

كرەديت رەسىمدەۋ ءۇشىن قاجەتتى قۇجاتتار:

            قارىز الۋشىعا:

1. جەكە كۋالىگى؛
2. تۇرعىلىقتى جەرى بويىنشا تىركەلۋىن راستايتىن قۇجات؛
3. ابيتۋريەنتتەر ءۇشىن ۇبت سەرتيفيكاتى (نوتاريالدى كۋالاندىرىلعان كوشىرمەسى) نەمەسە سوڭعى سەسسياداعى ترانسكريپت؛
4. ءبىلىم بەرۋ قىزمەتىن الۋعا ارنالعان شارت نەمەسە وقۋ كەزەڭىندەگى قۇنى كورسەتىلگەن تولەم شوتى؛
5. بانكىنىڭ تالابىنا قاراي وزگە دە قۇجاتتار تالاپ تەىلۋى مۇمكىن.

          قوسا قارىز الۋشىعا:

1. جەكە كۋالىگى؛
2. تۇرعىلىقتى جەرى بويىنشا تىركەلۋىن راستايتىن قۇجات؛
3. جۇمىس ورنىنان تابىسى تۋرالى انىقتاما؛
4. سوڭعى 6 ايداعى زەينەتاقى شوتىنان ءۇزىندى كوشىرمە؛

گرانت ناتيجەلەرىنە تاۋەلدى بولعىسى كەلمەگەندەر ءۇشىن ءبىلىم بەرۋ دەپوزيتىندە الداعى وقۋىنا قاراجات جيناقتاۋ مۇمكىندىگى بەرىلەدى، بۇل رەتتە جىل سايىن مەملەكەتتەن قوسىمشا اقشا الادى.

اناعۇرلىم تولىعىراق اقپارات الۋ ءۇشىن نە ستۋدەنتتىك كرەديت رەسىمدەۋ كەزىندە پروبلەمالار تۋىنداعان كەزدە قازاقستان بويىنشا 8 800 080 28 28 تەگىن قاۋرىت جەلىسىنە حابارلاسىڭىز.